اسلام آباد۔ 20 مارچ (اے پی پی) پاکستان تے آذربائیجان دی قیادت خلیج اچ جاری کشیدگی کوں وقتی گھٹ کریندے سارے تصفیہ طلب مسئلیں دے حل کیتے ڳالھ مہاڑ تے سفارت کاری تے زور ݙتے۔ وزیراعظم محمد شہباز شریف عیدالفطر دے پُرمسرت موقع تے مبارخ دے تبادلے کیتے جمہوریہ آذربائیجان دے صدر الہام علیوف کوں ٹیلی فون کیتا۔وزیرِاعظم آفس دے میڈیا ونگ دی طرفوں جاری بیان دے مطابق وزیراعظم صدر …
وزیرِاعظم شہباز شریف دا آذربائیجان دے صدر کوں ٹیلی فون، عید دی مبارخ ݙتی
مزید خبراں
اسلام آباد۔ 20 مارچ (اے پی پی) پاکستان تے آذربائیجان دی قیادت خلیج اچ جاری کشیدگی کوں وقتی گھٹ کریندے سارے تصفیہ طلب مسئلیں دے حل کیتے ڳالھ مہاڑ تے سفارت کاری تے زور ݙتے۔ وزیراعظم محمد شہباز شریف عیدالفطر دے پُرمسرت موقع تے مبارخ دے تبادلے کیتے جمہوریہ آذربائیجان دے صدر الہام علیوف کوں ٹیلی فون کیتا۔وزیرِاعظم آفس دے میڈیا ونگ دی طرفوں جاری بیان دے مطابق وزیراعظم صدر الہام علیوف تے آذربائیجان دے بھرا عوام کوں عیدالفطر دی دلی مبارکباد پیش کیتی۔ آذربائیجان دے صدر نے پاکستانی عوام کیتے انھاں جذبیں دا گرمجوشی نال جواب ݙتا۔ ݙوہیں رہنماواں امت دی صفاں اچ اتحاد دی دعا وی کیتی۔ ݙوہیں رہنماواں ایران تے خلیج اچ جاری کشیدگی تے وی ڳالھ کیتی۔ وزیراعظم آذربائیجان دے خلاف حملیں دی شدید مذمت دا اعادہ کریندے اوکھے ویلھے اچ آذربائیجان دے بھرا عوام دے نال مکمل یکجہتی تے حمایت دا اظہار کیتا۔ ݙوہیں رہنماواں وقتی طور تے کشیدگی گھٹ کرݨ تے زور ݙتا تے سارے تصفیہ طلب مسئلیں دے حل کیتے ڳالھ مہاڑ تے سفارت کاری تے زور ݙتا۔ پاکستان تے آذربائیجان دے تعلقات دی مثبت پیش رفت تے اطمینان دا اظہار کریندے ݙوہیں رہنماواں پاکستان تے آذربائیجان وچال برادرانہ تعلقات کوں مزید مستحکم کرݨ کیتے سانجھے عزم دا اعادہ کیتا۔
