لاہور۔ 20 مارچ (اے پی پی) پاکستان تے ازبکستان دی قیادت ݙو طرفہ تعلقات تے اطمینان دا اظہار کریندے خلیج اچ کشیدہ صورتحال تے جھیڑے کوں سفارتکاری تے ڳالھ مہاڑ نال حل کرݨ تے زور ݙتے۔ وزیراعظم محمد شہباز شریف جمہوریہ ازبکستان دے صدر شوکت مرزایوف نال ٹیلیفون تے ڳالھ مہاڑ کیتی۔وزیرِاعظم دفتر دے میڈیا ونگ توں جاری بیان موجب ݙوہیں رہنماواں عیدالفطر دے مبارک موقع تے تہنیتی پیغامات دا …
وزیراعظم محمد شہباز شریف دی جمہوریہ ازبکستان دے صدر شوکت مرزایوف نال ٹیلیفون تے ڳالھ مہاڑ
مزید خبراں
لاہور۔ 20 مارچ (اے پی پی) پاکستان تے ازبکستان دی قیادت ݙو طرفہ تعلقات تے اطمینان دا اظہار کریندے خلیج اچ کشیدہ صورتحال تے جھیڑے کوں سفارتکاری تے ڳالھ مہاڑ نال حل کرݨ تے زور ݙتے۔ وزیراعظم محمد شہباز شریف جمہوریہ ازبکستان دے صدر شوکت مرزایوف نال ٹیلیفون تے ڳالھ مہاڑ کیتی۔وزیرِاعظم دفتر دے میڈیا ونگ توں جاری بیان موجب ݙوہیں رہنماواں عیدالفطر دے مبارک موقع تے تہنیتی پیغامات دا تبادلہ کیتا۔ گرمجوش ڳالھ مہاڑ دے دوران وزیراعظم صدرِ ازبکستان تے بھرا عوام کیتے دلی نیک تمناواں دا اظہار کیتا، جینکوں ازبک صدر نہایت خلوص دے نال قبول کیتا تے وزیرِاعظم کیتے وی نیک خواہشات دا اظہار کیتا۔ ݙوہیں رہنماواں گزریل مہینے صدرِ ازبکستان دے دورہِ پاکستان دے انتہائی کامیاب نتائج تے اطمینان دا اظہار کیتا۔وزیراعظم آکھیا جو ݙوہیں رہنماواں وچال طے پاوݨ آلے اہم فیصلیں تے باقاعدہ پیش رفت نال ݙو طرفہ تعلقات مزید مستحکم تھیسن۔ ݙوہیں رہنماواں ایران تے خلیجی خطے اچ جاری کشیدگی تے وی ڳالھ کیتی تے ایں ڳالھ تے زور ݙتا جو وقتی طور تے کشیدگی اچ کمی گھن آئی ونڄے تے سارے جھیڑے دے حل کیتے مکالمے تے سفارتکاری کوں ودھارا ݙتا ونڄے۔
