لاہور۔ 20 مارچ (اے پی پی) پاکستان تے عرب جمہوریہ مصر خلیج اچ جاری کشیدگی تے تشویش دا اظہار کریندے خطے اچ امن و استحکام دی بحالی کیتے سفارتی کوششاں جاری رکھݨ تے اتفاق کیتے۔ وزیرِاعظم محمد شہباز شریف عرب جمہوریہ مصر دے صدر عبدالفتاح السیسی نال ٹیلیفون تے ڳالھ مہاڑ کیتی تے انھاں کوں عیدالفطر دی مبارخ ݙتی۔وزیرِاعظم دفتر دے میڈیا ونگ توں جاری بیان موجب گرمجوش تے دوستانہ …
وزیرِاعظم محمد شہباز شریف دی عرب جمہوریہ مصر دے صدر عبدالفتاح السیسی نال ٹیلیفون تے ڳالھ مہاڑ،عیدالفطر دی مبارخ ݙتی
مزید خبراں
لاہور۔ 20 مارچ (اے پی پی) پاکستان تے عرب جمہوریہ مصر خلیج اچ جاری کشیدگی تے تشویش دا اظہار کریندے خطے اچ امن و استحکام دی بحالی کیتے سفارتی کوششاں جاری رکھݨ تے اتفاق کیتے۔ وزیرِاعظم محمد شہباز شریف عرب جمہوریہ مصر دے صدر عبدالفتاح السیسی نال ٹیلیفون تے ڳالھ مہاڑ کیتی تے انھاں کوں عیدالفطر دی مبارخ ݙتی۔وزیرِاعظم دفتر دے میڈیا ونگ توں جاری بیان موجب گرمجوش تے دوستانہ ماحول اچ تھیوݨ آلی ڳالھ مہاڑ دے دوران وزیراعظم نے صدر السیسی تے مصر دے بھرا عوام کوں عیدالفطر دی مبارخ ݙتی، صدر السیسی وی وزیراعظم تے پاکستانی عوام کوں عید دی مبارخ ݙتی تے نیک تمناواں دا اظہار کیتا۔ وزیراعظم پاکستان تے مصر وچال تکڑے تے برادرانہ تعلقات دا اعادہ کریندے سانجھی دلچسپی دے سارے شعبیں اچ ݙو طرفہ تعاون کوں مزید ودھاوݨ دے پاکستان دے عزم دا اعادہ کیتا۔انھاں علاقائی تے بین الاقوامی امور اچ مصر دے تعمیری سفارتی کردار کوں سراہیا، خصوصاً مشرقِ وسطیٰ اچ قیامِ امن کیتے ایندی نمایاں کوششاں کوں خراجِ تحسین پیش کیتا۔ ݙوہیں رہنماواں ایران تے خلیجی خطے دی بدلدی صورتحال تے وی ڳالھ کیتی تے جاری کشیدگی تے گہری تشویش دا اظہار کریندے ہوئے ایں ڳالھ تے اتفاق کیتا جو کشیدگی اچ کمی تے خطے اچ امن و استحکام دی بحالی کیتے سفارتی کوششاں جاری رکھیاں ویسن۔
