عیدالفطر دا پرمسرت موقع اساں ساریں کیتے اللہ تعالیٰ دی عظیم نعمت اے،ڈاکٹر طارق فضل چوہدری

اسلام آباد۔21۔مارچ(اے پی پی) وفاقی وزیرِپارلیمانی امور ڈاکٹر طارق فضل چوہدری آکھیے رمضان المبارک دی بابرکت ساعتاں دے اختتام تے عید الفطر دا پرمسرت موقع اساں ساریں کیتے اللہ تعالیٰ دی عظیم نعمت اے۔ اے ݙینھ خوشیاں، محبتاں، اخوت تے شکر گزاری دا پیغام گھن تے آندے۔ عید الفطر دے موقع تے سماجی رابطیں دی ویب سائٹ ایکس تے اپݨی پوسٹ وچ انھاں آکھیا جو میں دلی مسرت دے نال پوری قوم تے عالمِ اسلام کوں عید الفطر دی مبارخ ݙٰینداں ۔ وفاقی وزیرآکھیا جو اللہ تعالیٰ ساݙی عبادات، روزے تے دعاواں کوں اپݨی بارگاہ وچ قبول فرماوے تے اساکوں سچی خوشیاں، امن، ترقی تے استحکام نال نوازے۔ انھاں آکھیا جو آؤ ایں خوشی دے موقع تے اساں اپݨے چودھار موجود ضرورت منداں کوں وی اپݨی خوشیاں وچ رَلاؤں۔