ملتان۔21۔مارچ(اے پی پی) چیئرمین سینیٹ سید یوسف رضا گیلانی عید الفطر دے موقع تے قوم تے امتِ مسلمہ کوں اتحاد، برداشت تے بھرپی دا پیغام ݙیندے آکھیے موجودہ حالات وچ سانجھی ہم آہنگی تے یکجہتی ویلھے دی اہم لوڑھ اے۔ انھاں سارے مسلماناں کوں عید دی دلی مبارخ ݙیندے دعا کیتی جو اللہ تعالیٰ پاکستان سودھے پوری امتِ مسلمہ کوں امن، استحکام تے خوشحالی نال نوازے۔ میڈیا نال ڳالھ کریندے …
چیئرمین سینیٹ دی دربار حضرت موسیٰ پاک شہیدؒ تے حاضری
مزید خبراں
ملتان۔21۔مارچ(اے پی پی) چیئرمین سینیٹ سید یوسف رضا گیلانی عید الفطر دے موقع تے قوم تے امتِ مسلمہ کوں اتحاد، برداشت تے بھرپی دا پیغام ݙیندے آکھیے موجودہ حالات وچ سانجھی ہم آہنگی تے یکجہتی ویلھے دی اہم لوڑھ اے۔ انھاں سارے مسلماناں کوں عید دی دلی مبارخ ݙیندے دعا کیتی جو اللہ تعالیٰ پاکستان سودھے پوری امتِ مسلمہ کوں امن، استحکام تے خوشحالی نال نوازے۔ میڈیا نال ڳالھ کریندے یوسف رضا گیلانی عالمی حالات تے تشویش دا اظہار کیتا تے بین الاقوامی اداریں تے زور ݙتا جو او جھیڑے مکاوݨ سانڳے وقتی تے موثر اقدامات کرن۔ انھاں آکھیا جو پوری قوم کوں اپݨی مسلح افواج دے نال کھڑا تھیوݨا چاہیدے۔ انھاں شہداء دی قربانیاں کوں خراجِ تحسین پیش کیتا تے آکھیا جو شہداء پاروں ملک وچ امن قائم اے، لہٰذا انھاں دے درجات دی بلندی کیتے خصوصی دعاواں کیتیاں ونڄن۔ بعد وچ انھاں دربار حضرت موسیٰ پاک شہیدؒ دا دورہ کیتا، جتھاں سجادہ نشین سید ابوالحسن گیلانی خصوصی دعا کرائی۔ ایں موقع تے سید عبدالقادر گیلانی، سید علی موسیٰ گیلانی، سید علی قاسم گیلانی، سید علی حیدر گیلانی تے سید احمد مجتبیٰ وی انھاں دے رلے ہن موجود ہن۔
