لاہور۔ 21 مارچ (اے پی پی) وزیراعظم محمد شہباز شریف تے ترکمانستان دے صدر سردار بردی محمدوف پاکستان تے ترکمانستان وچال ݙو طرفہ تعلقات دی مثبت پیشرفت تے اطمینان دا اظہار کریندے ہوئے سانجھی دلچسپی دے سارے شعبیں بالخصوص تجارت، توانائی، رابطے تے علاقائی ترقی اچ تعاون کوں مزید مضبوط بݨاوݨ دے عزم دا اعادہ کیتے۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف عیدالفطر دے …
وزیراعظم شہباز شریف تے صدرِترکمانستان دے درمیان ٹیلی فونک ڳالھ مہاڑ، ݙوطرفہ تعلقات دی مثبت پیشرفت تے اطمینان دا اظہار
مزید خبراں
لاہور۔ 21 مارچ (اے پی پی) وزیراعظم محمد شہباز شریف تے ترکمانستان دے صدر سردار بردی محمدوف پاکستان تے ترکمانستان وچال ݙو طرفہ تعلقات دی مثبت پیشرفت تے اطمینان دا اظہار کریندے ہوئے سانجھی دلچسپی دے سارے شعبیں بالخصوص تجارت، توانائی، رابطے تے علاقائی ترقی اچ تعاون کوں مزید مضبوط بݨاوݨ دے عزم دا اعادہ کیتے۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف عیدالفطر دے پُرمسرت موقع تے ترکمانستان دے صدر سردار بردی محمدوف نال ٹیلیفون تے ڳالھ کیتی ۔ وزیراعظم ترکمان صدر، ترکمان قیادت تے بھرا عوام کوں عیدالفطر دی مبارخ ݙتی۔ ترکمانستان دے صدر وی نہایت گرمجوشی نال انھاں جذبیں دا جواب ݙتا تے پاکستانی عوام کیتے نیک خواہشات دا اظہار کیتا۔ ݙوہیں رہنماواں پاکستان تے ترکمانستان وچال ݙو طرفہ تعلقات دی مثبت پیش رفت تے اطمینان دا اظہار کیتا تے سانجھی دلچسپی دے سارے شعبیں خصوصاً تجارت، توانائی، رابطے تے علاقائی ترقی اچ تعاون کوں مزید مضبوط بݨاوݨ دے عزم دا اعادہ کیتا۔ ݙوہیں رہنماواں علاقائی معاملات اچ تعاون بالخصوص سانجھےمفاد دے منصوبیں کوں اڳوں ودھاوݨ دی اہمیت تے وی زورݙتا۔ ݙوہیں رہنماواں وچال ڳالھ مہاڑ خوشگوار تے سانجھے خیرسگالی دے ماحول اچ تھئی جیندے نال ݙو طرفہ دوستانہ تعلقات دی عکاسی تھیندی اے۔
