وزیرِ اعظم محمد شہباز شریف دا سینیٹر شیری رحمٰن دی دھی دے انتقال تے افسوس

لاہور (اے پی پی) وزیرِ اعظم محمد شہباز شریف سینیٹر شیری رحمٰن دی دھی دے انتقال تے ݙکھ تے افسوس دا اظہار کیتے۔ اتوار کوں وزیرِ اعظم آفس دے میڈیا ونگ توں جاری بیان دے مطابق وزیرِ اعظم سینیٹر شیری رحمٰن نال تعزیت کریندے ہوئیں آکھیا جو اولاد دا غم ناقابلِ بیان ہوندے۔ وزیرِ اعظم مرحومہ دے بلند درجات تے مرحومہ دے خاندان کیتے صبرِ جمیل دی دعا کیتی ۔ وزیرِ اعظم آکھیا جو غم دی ایں گھڑی اچ اساں سوگوار خاندان دے غم اچ شریک ہیسے۔