وزیرِ اعظم شہباز شریف دی انوتِن چارن ویراکُل کوں تھائی لینڈ دا وزیرِ اعظم منتخب تھیوݨ تے مبارکباد

لاہور (اے پی پی) وزیرِ اعظم محمد شہباز شریف انوتِن چارن ویراکُل کوں ہک واری ولا تھائی لینڈ دا وزیرِ اعظم منتخب تھیوݨ تے مبارکباد ݙیندیں ہوئیں نیک خواہشات دا اظہار کیتے۔ اتوار کوں “ایکس” تے اپنے تہنیتی سنیھے اچ وزیرِ اعظم ایں توقع دا اظہار کیتا جو نو منتخب وزیرِ اعظم دی باصلاحیت قیادت اچ تھائی لینڈ پائیدار ترقی، دیرپا امن تے خوشحالی دی راہ تے گامزن تھیسی۔ وزیرِ اعظم آکھیا جو او پاکستان تے تھائی لینڈ دے درمیان دوستانہ تعلقات کوں ٻیا مضبوط بݨاوݨ کیتے قریبی تعاون دے خواہاں ہن۔