لاہور (اے پی پی) وزیرِ اعظم محمد شہباز شریف سرکاری گاݙیاں اچ ہائی اوکٹین ایندھن دے استعمال تے پابندی لا ݙتی اے جیندے تے فوری عمل تھیسی۔ ایں فیصلے دا مقصد قومی وسائل دے موثر تے ذمہ دارانہ استعمال کوں یقینی بݨاوݨ اے۔ وزیرِ اعظم آفس دے میڈیا ونگ ولوں جاری بیان دے مطابق وزیرِ اعظم ہائی اوکٹین فیول تے پٹرولیم لیوی اچ اضافے دے فیصلے دے تسلسل وچ ہک …
وزیرِ اعظم محمد شہباز شریف ولوں سرکاری گاݙیاں اچ ہائی اوکٹین ایندھن دے استعمال تے پابندی، اطلاق فوری تھیسی
مزید خبراں
لاہور (اے پی پی) وزیرِ اعظم محمد شہباز شریف سرکاری گاݙیاں اچ ہائی اوکٹین ایندھن دے استعمال تے پابندی لا ݙتی اے جیندے تے فوری عمل تھیسی۔ ایں فیصلے دا مقصد قومی وسائل دے موثر تے ذمہ دارانہ استعمال کوں یقینی بݨاوݨ اے۔ وزیرِ اعظم آفس دے میڈیا ونگ ولوں جاری بیان دے مطابق وزیرِ اعظم ہائی اوکٹین فیول تے پٹرولیم لیوی اچ اضافے دے فیصلے دے تسلسل وچ ہک ٻیا اہم فیصلہ کریندے ہوئیں سرکاری گاݙیاں اچ ہائی اوکٹین دے استعمال تے پابندی لاتی اے۔ بیان دے مطابق جے کہیں سرکاری محکمے دی گاݙی کیتے ہائی اوکٹین دا استعمال ناگزیر اے تاں استعمال کرݨ آلا آپݨے ذاتی جیب توں خرچ کر سڳدے۔ وزیرِ اعظم ہدایت کیتی اے جو سارے وفاقی محکمے ایں فیصلے تے فوری عملدرآمد یقینی بݨاون۔ یاد رہوے جو ایندے توں پہلے سرکاری گاݙیاں دے ایندھن اوچ 50 فیصد کٹوتی دا اطلاق پہلے تھی ڳئے اتے 60 فیصد سرکاری گاݙیاں گراؤنڈ کیتیاں ونڄ ڳئن۔
