پاکستان دی خارجہ پالیسی وقار، مضبوطی اتے امن دے تکڑے عزم کوں اڳونہا کریندی اے: وفاقی وزیر ڈاکٹر طارق فضل چوہدری

اسلام آباد:24 مارچ(اے پی پی)وفاقی وزیر برائے پارلیمانی امور ڈاکٹر طارق فضل چوہدری آکھیے جو پاکستان دی خارجہ پالیسی وقار، مضبوطی اتے امن دے تکڑے عزم کوں اڳونہا کریندی اے  ڄیکوں وزیرِ اعظم محمد شہباز شریف، نائب وزیرِ اعظم محمد اسحاق ڈار اتے فیلڈ مارشل سید عاصم منیر اپݨی دور اندیشی نال اڳو تے ودھیندے پئن۔ منڳل کوں ” ایکس ” تے اپݨے بیان اچ انہاں آکھیا جو اڄ دے غیر یقینی اتے جھیڑیاں نال بھریے عالمی ماحول اچ پاکستان امن، ڳالھ مہاڑ اتے ہک ٻئے دے احترام کوں ودھاوݨ کیتے ودھ کردار ادا کریندا پئے، پاکستان دا موقف ہمیشہ انصاف، مظلوم قوماں دی حمایت اتے خطے اچ استحکام دے حق اچ رہے، عالمی سطح تے پاکستان دی آواز امن، اتحاد اتے انسانیت دے سنیہے آلی کار سݨی ویندی اے۔ وفاقی وزیر آکھیا جو اوکھے حالات دے باوجود پاکستان ثابت قدم رہے۔ ساݙی قیادت نہ صرف عالمی تعلقات کوں بہتر ٻݨاعے ٻھل پاکستان دے مثبت تشخس کوں وی اڳونہا کیتے، پاکستان او ملک اے جیڑھا امن، سانجھے تعاون اتے ترقی تے یقین رکھیندے، اڄ پاکستان صرف اپݨے مفادات دی حفاظت ہی نئیں کریندا پیا ٻھل ہک بہتر اتے پُرامن مستقبل دی بنیاد وی رکھیندا پئے جتھاں جھیڑیاں دی بجائے ڳالھ مہاڑ غالب تھیسی۔