پاکستان مشرقِ وسطیٰ دے مسائل کوں سفارتی طریقے نال حل کرݨ دے عزم تے قائم اے، دفتر خارجہ

اسلام آباد۔24 مارچ(اے پی پی)پاکستان مشرقِ وسطیٰ دے مسائل کوں سفارتی طریقے نال حل کرݨ دا عزم دوہریندے آکھیے جو خلیج فارس اچ جاری جنگ دا خاتمہ مذاکرات نال ہی ممکن اے۔  ترجمان دفتر خارجہ اپݨے ہک بیان اچ آکھیے جو پاکستان مشرقِ وسطیٰ دے مسائل کوں سفارتی طریقے نال حل کرݨ دے عزم تے قائم اے، ایں سانڳے پاکستان دی پالیسی بالکل واضح اے جو خلیج فارس اچ جاری جنگ دا خاتمہ مذاکرات نال ہی ممکن اے جیندے تے ودھ توجہ ݙٰوݨ دی لوڑھ اے۔ انہاں آکھیا جو سفارت کاری اچ کڄھ معاملات کوں خاموشی نال اڳو تے ودھاوݨ ضروری ہوندے، ایں سانڳے میڈیا کوں چاہیدے جو او قیاس آرائیاں توں پرہیز کرے اتے سرکاری اعلانات دا انتظار کرے۔ اسحاق ڈار ایں سانڳے ترکیہ، عراق اتے سعودی عرب دے وزرائے خارجہ نال وی رابطے کیتن۔