حکومت وکلاء برادری کوں جدید سہولیات ݙیوݨ کیتے عملی اقدامات کریندی پئی اے، اعظم نذیر تارڑ

اسلام آباد۔26 مارچ(اے پی پی) وفاقی وزیرِ قانون و انصاف سینیٹر اعظم نذیر تارڑ آکھیے جو حکومت وکلاء برادری کوں جدید سہولیات ݙیوݨ کیتے کم کریندی پئی اے اتے بار ایسوسی ایشنز دے مسائل حل کرݨ حکومت دی ترجیح اے۔ ملتان اتے پنڈی بھٹیاں بار دے وفداں نال ملݨ ویلھے انہاں آکھیا جو بارز کیتے ای لائبریری بݨاوݨ ٻہوں ضروری اے تاں جو وکلاء کوں قانونی مواد تیکھے مل سکے۔ انہاں آکھیا جو ایں منصوبے دی منظوری کیتے سپریم کورٹ توں رجوع کیتا ویسی اتے کوشش اے جو ہائی کورٹ توں ڳھن تے تحصیل سطح تئیں اے سہولت ملے۔ وفاقی وزیر ملتان بار دے وکلاء کوں نادرا رجسٹریشن دے معاملے تے وی یقین ݙیوایا جو اے مسئلہ تیکھے حل تھیسی۔