اسلام آباد۔26 مارچ (اے پی پی) نائب وزیراعظم اتے وزیر خارجہ سینیٹر محمد اسحاق ڈار آکھیے جو ڳالھ مہاڑ اتے سفارتکاری ہی اڳو ودھݨ دا ہکو رستہ اے، امریکہ اتے ایران وچال بالواسطہ ڳالھ مہاڑ دا عمل پاکستان دے ذریعے جاری اے۔ سماجی رابطیاں دے پلیٹ فارم "ایکس" (ٹویٹر) تے اپݨے ہک بیان اچ نائب وزیراعظم آکھیا جو مشرقِ وسطیٰ اچ جاری جھیڑے مکاوݨ کیتے امن مذاکرات دے حوالے نال …
امریکہ اتے ایران وچال بالواسطہ ڳالھ مہاڑ پاکستان دے ذریعے جاری اے: نائب وزیراعظم محمد اسحاق ڈار
مزید خبراں
اسلام آباد۔26 مارچ (اے پی پی) نائب وزیراعظم اتے وزیر خارجہ سینیٹر محمد اسحاق ڈار آکھیے جو ڳالھ مہاڑ اتے سفارتکاری ہی اڳو ودھݨ دا ہکو رستہ اے، امریکہ اتے ایران وچال بالواسطہ ڳالھ مہاڑ دا عمل پاکستان دے ذریعے جاری اے۔ سماجی رابطیاں دے پلیٹ فارم “ایکس” (ٹویٹر) تے اپݨے ہک بیان اچ نائب وزیراعظم آکھیا جو مشرقِ وسطیٰ اچ جاری جھیڑے مکاوݨ کیتے امن مذاکرات دے حوالے نال میڈیا وچ بلاوجہ دیاں قیاس آرائیاں کیتاں ویندیاں پئن، حقیقت اے ہے جو امریکہ اتے ایران وچال بالواسطہ ڳالھ مہاڑ پاکستان دے ذریعے پیغامات دے تبادلے دی صورت اچ جاری اے۔ انہاں آکھیا جو ایں حوالے نال امریکہ 15 نکات شیئر کیتن جنہاں تے ایران غور کریندا پئے۔ انہاں آکھیا جو برادر ملکاں ترکیہ اتے مصر سودھا ٻئے ملک وی ایں کوشش دی حمایت کریندے پئن۔ انہاں آکھیا جو پاکستان امن کوں ودھاوݨ کیتے پرعزم اے اتے علاقے اچ استحکام یقینی بݨاوݨ کیتے ہر ممکن کوشش کریندا پئے۔ نائب وزیراعظم اتے وزیر خارجہ زور ݙتا جو صرف مکالمہ اتے سفارتکاری ہی اڳو تے ودھݨ دا ہکو رستہ اے۔
