اسلام آباد۔26 مارچ(اے پی پی) وفاقی وزیر خزانہ و محصولات سینیٹر محمد اورنگزیب نال پاکستان اچ فرانس دے سفیر نکولس گالے ملاقات کیتی۔ وزیر خزانہ سفیر کوں خاص طور تے معاشی تعاون، سرمایہ کاری اتے ترقیاتی شراکت داری دے شعبیاں اچ تعاون اتے حکومت دیاں جاری معاشی ترجیحات دا ݙسایا۔ انہاں آکھیا جو حکومت صورتحال تے اکھ رکھی ہوئی اے اتے معاشی کامیابیاں دے تحفظ، سپلائی چین دے تسلسل اتے …
وفاقی وزیر خزانہ محمد اورنگزیب نال فرانسیسی سفیر دی ملاقات
مزید خبراں
اسلام آباد۔26 مارچ(اے پی پی) وفاقی وزیر خزانہ و محصولات سینیٹر محمد اورنگزیب نال پاکستان اچ فرانس دے سفیر نکولس گالے ملاقات کیتی۔ وزیر خزانہ سفیر کوں خاص طور تے معاشی تعاون، سرمایہ کاری اتے ترقیاتی شراکت داری دے شعبیاں اچ تعاون اتے حکومت دیاں جاری معاشی ترجیحات دا ݙسایا۔ انہاں آکھیا جو حکومت صورتحال تے اکھ رکھی ہوئی اے اتے معاشی کامیابیاں دے تحفظ، سپلائی چین دے تسلسل اتے سرمایہ کاراں دے اعتماد کوں برقرار رکھݨ کیتے بروقت پالیسی اقدامات کیتے ویندے پئن۔ ملاقات اچ پاکستان دے بین الاقوامی مالیاتی اداریاں (آئی ایف آئیز) نال رابطیاں تے وی ڳالھ تھئی۔ وزیر خزانہ ݙسایا جو پاکستان آئی ایم ایف دے تعاون نال جاری پروگرام دے تحت اصلاحات دے ایجنڈے تے قائم اے اتے ایں حوالے نال پیش رفت تسلی بخش اے۔ فرانس دے سفیر پاکستان دی معاشی ترقی کیتے اپݨے ملک دی مسلسل حمایت دا اعادہ کیتا اتے اہم شعبیاں اچ ݙو پاسہ تعاون کوں مزید تکڑا کرݨ اچ دلچسپی ݙکھائی۔
