وفاقی وزیر سردار محمد یوسف نال بنگلہ دیش دے ہائی کمشنر دی ملاقات

اسلام آباد۔26 مارچ(اے پی پی) وفاقی وزیر مذہبی امور سردار محمد یوسف نال پاکستان اچ بنگلہ دیش دے ہائی کمشنر محمد اقبال حسین ملین۔ انہاں حج انتظامات اتے باہمی دلچسپی دے معاملیاں تے تفصیلی ڳالھ مہاڑ کیتی۔ ملاقات اچ سیکرٹری مذہبی امور ڈاکٹر ساجد محمود چوہان اتے جوائنٹ سیکرٹری احمد ندیم خان وی شریک ہن۔ سردار محمد یوسف نویں وزیراعظم دے انتخاب تے بنگلہ دیش دے عوام کوں مبارکباد ݙتی اتے آکھیا جو پاکستان حجاج دی تعداد دے لحاظ نال دنیا اچ ݙوجھے نمبر تے اے۔ حج اتے عمرہ دے انتظامات اچ مزید بہتری حکومت دی اولین ترجیح اے۔ انہاں آکھیا جو پاکستان بنگلہ دیش نال حج تجربات دے تبادلے کیتے تیار اے اتے باہمی تعاون نال حجاج کوں مزید سہولیات ݙتیاں ونڄ سڳدن۔