چیئرمین سینیٹ دا حکم، کفایت شعاری مہم دے تحت 26 کروڑ 50 لکھ روپے قومی خزانے اچ جمع

اسلام آباد۔27 مارچ(اے پی پی)چیئرمین سینیٹ سید یوسف رضا گیلانی وزیراعظم دی کفایت شعاری مہم دے تحت سینیٹ سیکرٹریٹ کوں ہدایت کیتی اے جو خرچے ڳھٹ کرݨ دے اقدامات تے سختی نال عمل کیتا ونڄے۔ سینیٹ سیکرٹریٹ اپݨے اخراجات دا جائزہ ڳھنݨ دے بعد فوری طور تے 26 کروڑ 50 لکھ روپے وزارتِ خزانہ دے حوالے کر ݙتن تاں جو اے رقم قومی خزانے اچ جمع تھی سڳے۔ چیئرمین سینیٹ آکھیا جو سینیٹ ہک اہم آئینی ادارہ ہووݨ پاروں موجودہ معاشی حالات اچ مالی نظم و ضبط دی اہمیت کوں سمجھدے۔ انہاں ہدایت کیتی جو غیر ضروری خرچے ڳھٹ کیتے ونڄن اتے دستیاب وسائل دا صحیح استعمال یقینی ٻݨایا ونڄے تاں جو ملکی معیشت کوں فائدہ تھی سگے۔