اسلام آباد۔29 مارچ(اے پی پی)وزیراعظم محمد شہباز شریف سعودی عرب نال اپݨی غیر متزلزل یکجہتی اتے حمایت دا عزم دوہریندے حالیہ کشیدگی اچ سعودی عرب دے غیر معمولی صبر و تحمل کوں سراہے اتے یقین ݙوائے جو پاکستان ہمیشہ سعودی عرب دے مونڈھے نال مونڈھا ملا تے کھڑا رہسی۔ وزیراعظم آفس دے میڈیا ونگ توں جاری تھیوݨ والے بیان دے مطابق سعودی عرب دے وزیر خارجہ شہزادہ فیصل بن فرحان …
وزیراعظم شہباز شریف نال سعودی وزیر خارجہ شہزادہ فیصل بن فرحان آل سعود دی ملاقات
مزید خبراں
اسلام آباد۔29 مارچ(اے پی پی)وزیراعظم محمد شہباز شریف سعودی عرب نال اپݨی غیر متزلزل یکجہتی اتے حمایت دا عزم دوہریندے حالیہ کشیدگی اچ سعودی عرب دے غیر معمولی صبر و تحمل کوں سراہے اتے یقین ݙوائے جو پاکستان ہمیشہ سعودی عرب دے مونڈھے نال مونڈھا ملا تے کھڑا رہسی۔ وزیراعظم آفس دے میڈیا ونگ توں جاری تھیوݨ والے بیان دے مطابق سعودی عرب دے وزیر خارجہ شہزادہ فیصل بن فرحان اسلام آباد اچ وزیراعظم ہاؤس اچ وزیراعظم محمد شہباز شریف نال ملاقات کیتی۔ نائب وزیراعظم اتے وزیر خارجہ سینیٹر محمد اسحاق ڈار، قومی سلامتی دے مشیر لیفٹیننٹ جنرل محمد عاصم ملک اتے وزیراعظم دے معاون خصوصی طارق فاطمی وی ایں موقع تے موجود ہن۔ اے ملاقات ٻہوں خوشگوار اتے دوستانہ ماحول اچ تھئی۔ وزیراعظم سعودی وزیر خارجہ دا شاندار خیر مقدم کیتے اتے خادم الحرمین الشریفین شاہ سلمان بن عبدالعزیز آل سعود اتے ولی عہد شہزادہ محمد بن سلمان بن عبدالعزیز آل سعود کیتے نیک تمنائیں پچائن۔ وزیراعظم اجوکے بحران اچ سعودی عرب دے تحمل دی تعریف کیتی اتے آکھیا جو پاکستان ہر اوکھے ویلے سعودی عرب نال کھڑا تھیسی۔ وزیراعظم سعودی وزیر خارجہ کوں پاکستان دیاں سفارتی کوششاں دا وی ݙسایا تاں جو امریکہ اتے ایران کوں مذاکرات دی میز تے ڳھن آیا ونڄ سڳے۔ سعودی وزیر خارجہ وزیراعظم دا شکریہ ادا کیتا اتے انہاں کوں خطے دی صورتحال تے سعودی موقف دا ݙسایا۔
