موجودہ علاقائی کشیدگی، مالی و جانی ضیان اتے معاشی اثرات افسوسناک، خطے اچ جاری تنازعات تیکھے اتے مستقل مکاوݨ دی لوڑھ اے، اسحاق ڈار

اسلام آباد۔29 مارچ(اے پی پی) نائب وزیر اعظم و وزیر خارجہ اسحاق ڈار موجودہ علاقائی کشیدگی، مالی و جانی ضیان اتے معاشی اثرات کوں افسوسناک اقر ݙیندے آکھیے جو خطے اچ جاری تنازعات تیکھے اتے مستقل مکاوݨ دی لوڑھ اے، مشترکہ چیلنجز دا مؤثر انداز اچ مقابلہ کیتا ویسی۔ اسلام آباد اچ میڈیا نال الیندے نائب وزیر اعظم و وزیر خارجہ اسحاق ڈار آکھیے جو پاکستان دے دورے تے آنے والے وزرائے خارجہ نال ملاقاتاں مفید رہین، جیندے اچ خطے دی مجموعی صورتحال، امن و استحکام اتے باہمی تعاون ودھاوݨ تے ڳالھ تھئی، موجودہ علاقائی صورتحال تے پاکستان، سعودی عرب، ترکیہ اتے مصر دے مشاورتی اجلاس اچ وی تفصیلی اتے نتیجہ خیز ڳالھ مہاڑ تھئی اے، خطے اچ جاری تنازعات دے تیکھے اتے مستقل خاتمے تے زور ݙتا ڳئے۔ نائب وزیرِاعظم آکھیا جو چار ملکی مشاورتی عمل دا ݙوڄھا اجلاس اسلام آباد اچ تھئے جیندے اچ پاکستان، سعودی عرب، ترکیہ اتے مصر شرکت کیتی، ایندا پہلا اجلاس 19 مارچ کوں تھیا ہا۔ اجلاس موجودہ علاقائی کشیدگی، انسانی جاناں دے نقصان اتے معاشی اثرات تے ݙاݙھا چنتا کیتے، خطے اچ جاری تنازع ݙاݙھا افسوسناک اے جیندے اثرات پورے خطے اچ عوام دے ڄیوݨ اتے معیشت تے پوندے پین۔ زور ݙتا ڳئے جو انہاں اوکھے حالات اچ مسلم اُمہ دا اتحاد وݙا ضروری اتے اہم اے تاں جو مشترکہ چیلنجز دا مؤثر انداز اچ مقابلہ کیتا ونڄ سڳے۔