پاک فوج دے بہادر شہدا اتے غازیان دی عظیم داستان، “جرات دے نشان” دا شاندار ٹیزر جاری

اسلام آباد۔ 30 مارچ(اے پی پی)پاک فوج دے دلیر جواناں دیاں لازوال قربانیاں کوں خراجِ عقیدت پیش کرݨ کیتے “جرات دے نشان” دا شاندار ٹیزر جاری کر ݙتا ڳئے۔ ایں ٹیزر اچ شہید میجر سید علی رضا اتے حوالدار نثار احمد دی بہادری اتے قربانی دے جذبے کوں ٻہوں سوہݨے انداز اچ ݙکھایا ڳئے۔ اے ٹیزر ملکی سرحداں دی حفاظت کیتے ہمیشہ تیار پاک فوج دے جواناں دے پکے عزم دی عکاسی کریندے۔ پاک فوج دے بہادر جوان “فتنہ الخوارج” اتے “فتنہ الہندوستان” سودھا دشمن عناصر دے ناپاک ارادیاں کوں مٹی اچ ملاوݨ اچ لڳے ہوئن۔ پوری قوم ہر محاذ تے پاک فوج دے شہدا دی غیر معمولی بہادری کوں زبردست خراجِ تحسین پیش کریندی اے۔