صدرِ مملکت آصف علی زرداری نال وزیراعظم شہباز شریف دی ملاقات، قومی سلامتی تے تفصیلی ڳالھ مہاڑ

اسلام آباد۔ 30 مارچ(اے پی پی)صدرِ مملکت آصف علی زرداری نال وزیراعظم محمد شہباز شریف سنوار کوں ایوان صدر اسلام آباد اچ ملین۔ ایں موقع تے نائب وزیراعظم اسحاق ڈار، سابق وزیرِ خارجہ بلاول بھٹو زرداری، وفاقی وزیرِ داخلہ محسن نقوی اتے قومی سلامتی دے مشیر لیفٹیننٹ جنرل عاسی ملک وی موجود ہن۔ ایوانِ صدر دے میڈیا ونگ دے مطابق، ملاقات اچ قومی سلامتی دی مجموعی صورتحال تے تفصیلی ڳالھ تھئی۔ ایں توں علاوہ خطے دی بدلدی ہوئی صورتحال اتے پاکستان تے اوندے اثرات دا جائزہ وی گھدا ڳیا۔ ملاقات اچ معاشی، توانائی اتے سکیورٹی چیلنجز تے وی مشورہ کیتا ڳیا ڄݙاں جو قومی سطح تے ہک مٹھ تھیوݨ اتے ادارہ جاتی ہم آہنگی تے زور ݙتا ڳیا۔