اسلام آباد۔31 مارچ(اے پی پی) وزیراعظم محمد شہباز شریف گھٹ آمدنی والے طبقے کوں موجودہ صورتحال اچ ریلیف پڄاوݨ کیتے متعلقہ وزارتوں کوں صوبیاں نال مشورے دے بعد حتمی تجویزاں پیش کرݨ اتے پٹرولیم مصنوعات دی سمگلنگ اتے ذخیرہ اندوزی دے خلاف سخت اقدامات دی ہدایت کیتی اے۔ وزیراعظم دی صدارت اچ ہک اجلاس تھئے جیندے اچ پٹرولیم مصنوعات دی سپلائی چین اتے بچت دے اقدامات دا جائزہ ڳھدا ڳئے۔ …
وزیراعظم دی غریب طبقے کوں ریلیف ڈیوݨ کیتے حتمی تجویزاں پیش کرݨ دی ہدایت
مزید خبراں
اسلام آباد۔31 مارچ(اے پی پی) وزیراعظم محمد شہباز شریف گھٹ آمدنی والے طبقے کوں موجودہ صورتحال اچ ریلیف پڄاوݨ کیتے متعلقہ وزارتوں کوں صوبیاں نال مشورے دے بعد حتمی تجویزاں پیش کرݨ اتے پٹرولیم مصنوعات دی سمگلنگ اتے ذخیرہ اندوزی دے خلاف سخت اقدامات دی ہدایت کیتی اے۔ وزیراعظم دی صدارت اچ ہک اجلاس تھئے جیندے اچ پٹرولیم مصنوعات دی سپلائی چین اتے بچت دے اقدامات دا جائزہ ڳھدا ڳئے۔ وزیراعظم آفس دے میڈیا ونگ دے مطابق وزیراعظم آکھیا جو پچھلے ترائے ہفتیاں اچ وفاقی حکومت غریب طبقے کوں ریلیف ݙیوݨ کیتے اہم اقدامات کیتن اتے اڳو تے وی اے سلسلہ جاری رہسی۔ انہاں آکھیا جو تیل دیاں قیمتاں کوں ودھݨ توں روکݨ کیتے حکومت ترقیاتی بجٹ اچ کٹوتی اتے کفایت شعاری نال عام آدمی کوں 129 ارب روپے دا ریلیف ݙتے۔ اجلاس اچ وفاقی وزراء احد چیمہ، عطاء اللہ تارڑ، علی پرویز ملک، شزا فاطمہ، سردار اویس لغاری اتے ٻئے اعلیٰ حکام شریک ہن۔
