اسلام آباد۔ 1 اپریل (اے پی پی) وفاقی وزیر پارلیمانی امور ڈاکٹر طارق فضل چوہدری آکھیے پاکستان خطے وچ امن، استحکام تے ذمہ دارانہ قیادت کیتے اصولی موقف اختیار کیتے تے موجودہ صورتحال وچ مثبت کردار ادا کرݨ پاروں تاریخ وچ ایندا ناں سنہری حرفاں نال لکھیا ویسی ۔ سماجی رابطے دی ویب سائٹ "ایکس" تے ہک بیان وچ انہاں آکھیا تناؤ دے ایں دور وچ پاکستان تماشائی کائنی بلکہ …
پاکستان خطے وچ امن، استحکام تے ذمہ دارانہ قیادت کیتے اصولی موقف اختیار کیتے، طارق فضل چوہدری
اسلام آباد۔ 1 اپریل (اے پی پی) وفاقی وزیر پارلیمانی امور ڈاکٹر طارق فضل چوہدری آکھیے پاکستان خطے وچ امن، استحکام تے ذمہ دارانہ قیادت کیتے اصولی موقف اختیار کیتے تے موجودہ صورتحال وچ مثبت کردار ادا کرݨ پاروں تاریخ وچ ایندا ناں سنہری حرفاں نال لکھیا ویسی ۔ سماجی رابطے دی ویب سائٹ “ایکس” تے ہک بیان وچ انہاں آکھیا تناؤ دے ایں دور وچ پاکستان تماشائی کائنی بلکہ خطے وچ توازن کیتے سفارتی طاقت بݨ تے ابھرئے، وزیراعظم محمد شہباز شریف دی بصیرت تے مبنی قیادت وچ اساݙا ملک ایں ویلھے تاریخی کردار ادا کریندا پئے، ایں سلسلے وچ نائب وزیراعظم محمد اسحاق ڈار تے فیلڈ مارشل جنرل عاصم منیر دی انتھک محنت تے سفارتی کوششاں وی تعریف دے لائق ہن، اے ترائی شخصیات پاکستان دے قومی مفاد دے تحفظ دے نال نال خطے وچ ڳالھ مہاڑ دے ذریعے تناؤ گھٹ کرݨ کیتے اپݨا کردار ادا کریندیاں پئن ۔ انہاں آکھیا اڄ دنیا ݙیکھدی پئی اے پاکستانی قوم حکمت نال فیصلے کریندی اے تے ذمہ دارانہ قیادت تے یقین رکھیندی اے۔
