اسلام آباد۔ 1 اپریل (اے پی پی) چیئرمین سینیٹ سید یوسف رضا گیلانی آل پاکستان نیوز پیپرز سوسائٹی دے الیکشن وچ کامیاب تھیوݨ آلے عہدیداراں کوں مبارخ ݙتی اے۔ سینیٹ سیکرٹریٹ توں جاری بیان موجب چیئرمین سید یوسف رضا گیلانی سینیٹر سرمد علی دے بطور صدر، ناز آفرین سہگل لاکھانی دے بطور سینئر نائب صدر، شہاب زبیری دے بطور نائب صدر، محمد اطہر قاضی دے بطور سیکرٹری جنرل، محسن بلال …
چیئرمین سینیٹ دی آل پاکستان نیوز پیپرز سوسائٹی دے نویں منتخب عہدیداراں کوں مبارخ
اسلام آباد۔ 1 اپریل (اے پی پی) چیئرمین سینیٹ سید یوسف رضا گیلانی آل پاکستان نیوز پیپرز سوسائٹی دے الیکشن وچ کامیاب تھیوݨ آلے عہدیداراں کوں مبارخ ݙتی اے۔ سینیٹ سیکرٹریٹ توں جاری بیان موجب چیئرمین سید یوسف رضا گیلانی سینیٹر سرمد علی دے بطور صدر، ناز آفرین سہگل لاکھانی دے بطور سینئر نائب صدر، شہاب زبیری دے بطور نائب صدر، محمد اطہر قاضی دے بطور سیکرٹری جنرل، محسن بلال دے بطور جوائنٹ سیکرٹری تے نوید کاشف دے بطور فنانس سیکرٹری منتخب تھیوݨ تے نیک خواہشات دا اظہار کیتا۔چیئرمین سینیٹ آکھیا جو آل پاکستان نیوز پیپرز سوسائٹی دی نویں قیادت تے ممبراں دا اعتماد ایں ڳالھ دی عکاسی اے جو او اخباری صنعت کوں جدید تقاضیں موجب بݨاوݨ دی صلاحیت رکھیندن۔ انہاں امید ظاہر کیتی جو نویں منتخب ٹیم اخباری صنعت کوں درپیش معاشی تے پیشہ ورانہ چیلنجز نال نبٹݨ کیتے ہک جامع حکمتِ عملی اپنائی اے۔ سید یوسف رضا گیلانی آکھیا ذمہ وار تے باخبر میڈیا نہ صرف جمہوری قدراں کوں ودھاوݨ دا ذریعہ بݨدے بلکہ قومی مکالمے کوں تکڑا بݨاوݨ وچ وی اہم کردار ادا کریندے۔ انہاں آکھیا پارلیمان آزادیِ صحافت دے تحفظ تے میڈیا دے ادارہ جاتی استحکام کیتے اپݨی حمایت جاری رکھی اے۔ چیئرمین سینیٹ نویں قیادت دی کامیابی تے ملک وچ معیاری صحافت دے ودھارے کیتے نیک تمناواں دا اظہار وی کیتا۔
