بیجنگ۔ 1 اپریل (اے پی پی) نائب وزیراعظم و وزیرِ خارجہ سینیٹر محمد اسحاق ڈار سرکاری دورہِ چین کامیابی نال مکمل کرݨ دے بعد بیجنگ توں اسلام آباد کیتے روانہ تھی ڳئے ۔ دفترِ خارجہ موجب دورے دے دوران انہاں چین دے وزیرِ خارجہ وانگ یی نال ملاقات کیتی جیندے وچ ݙوہیں ملکاں دے ݙو پاسہ تعلقات دا جائزہ ڳھدا ڳیا تے اہم علاقائی و عالمی معاملیں تے ڳالھ مہاڑ …
نائب وزیراعظم اسحاق ڈار سرکاری دورہِ چین مکمل کرݨ دے بعد اسلام آباد روانہ
بیجنگ۔ 1 اپریل (اے پی پی) نائب وزیراعظم و وزیرِ خارجہ سینیٹر محمد اسحاق ڈار سرکاری دورہِ چین کامیابی نال مکمل کرݨ دے بعد بیجنگ توں اسلام آباد کیتے روانہ تھی ڳئے ۔ دفترِ خارجہ موجب دورے دے دوران انہاں چین دے وزیرِ خارجہ وانگ یی نال ملاقات کیتی جیندے وچ ݙوہیں ملکاں دے ݙو پاسہ تعلقات دا جائزہ ڳھدا ڳیا تے اہم علاقائی و عالمی معاملیں تے ڳالھ مہاڑ تھئی اے۔ چین دے وزیرِ خارجہ وانگ یی مغربی ایشیا وچ جھیڑا مکاوݨ تے امن دے ودھارے کیتے پاکستان دے سرگرم سفارتی کردار تے کوششاں دی تعریف کیتی تے اپݨی حمایت دا اظہار کیتے۔ ݙوہیں وزرائے خارجہ ݙو پاسہ تعلقات وچ اطمینان دا اظہار کیتا تے سی پیک 2.0 دے تحت اعلیٰ معیار دی ترقی تے اسٹریٹجک تعاون دے ودھارے سودھے اعلیٰ سطحی رابطے تے تبادلیں کوں، خاص طور تے اوں سال جݙاں ݙوہیں ملکاں دے درمیان سفارتی تعلقات دی 75 ویں سالگنڈھ منائی ویندی پئی اے، مزید تکڑا بݨاوݨ تے زور ݙتے۔
