وفاقی وزیر پٹرولیم وزیرستان بلاک وچ اسپن وام-1 توں گیس دی پیداوار دے آغاز دا افتتاح کر ݙتا

اسلام آباد۔ 1 اپریل (اے پی پی) وفاقی وزیر پٹرولیم علی پرویز ملک وزیرستان بلاک وچ اسپن وام-1 توں گیس دی پیداوار دے آغاز دا افتتاح کر ݙتے، جیندے نال روزانہ 40 ایم ایم سی ایف گیس تے 220 بیرل کنڈینسیٹ دا ودھارا تھیسی ۔پٹرولیم ڈویژن توں جاری بیان موجب وزیرستان جوائنٹ وینچر (WJV) جینکوں ماری انرجیز لمیٹڈ آپریٹ کریندی پئی اے، ایں نویں کھوہ توں پیداوار شروع کر ݙتی اے۔ ایں وینچر وچ ماری انرجیز (55٪)، او جی ڈی سی ایل (35٪) تے اورینٹ پٹرولیم (10٪) شامل ہن۔ افتتاحی تقریب وچ علی پرویز ملک آکھیا جو ایجھی دریافتاں پاکستان دی توانائی سلامتی کوں تکڑا کریندیاں ہن تے درآمدات تے انحصار گھٹ کریندن۔ انہاں لاء انفورسمنٹ ایجنسیز (LEAs) تے ای اینڈ پی کمپنیاں دے شہیداں کوں خراجِ تحسین پیش کیتا جنہاں دی قربانیاں نال اے آپریشنز ممکن تھئن۔ ماری انرجیز دے سی ای او فہیم حیدر آکھیا اسپن وام-1 ہک اہم کامیابی اے، شیوا-1 دے بعد اے اوں بلاک دا ݙوجھا کامیاب کھوہ اے۔ ایس این جی پی ایل دی پائپ لائن مکمل تھیوݨ نال ایں گیس کوں قومی گرڈ نال جوڑ ݙتا ڳئے