اسلام آباد۔ 2 اپریل (اے پی پی) وفاقی وزیر تجارت جام کمال خان نال برطانیہ دے ڈائریکٹر جنرل پولیٹیکل ایڈورڈ لیوی لین وفد دے نال ملاقات کیتی ایں دوران پاکستان یوکے تجارتی ڈائیلاگ دی پیش رفت تے ہیلتھ کیئر و لائف سائنسز اچ ورکنگ گروپ دے قیام دی تعریف کیتی ڳئی ، فریقین آئی ٹی، زراعت، پیشہ ورانہ خدمات، تعلیم تے مہارتاں اچ ورکنگ گروپس کوں فعال کرݨ تے اتفاق …
وفاقی وزیر تجارت نال برطانیہ دے ڈی جی پولیٹیکل دی ملاقات
اسلام آباد۔ 2 اپریل (اے پی پی) وفاقی وزیر تجارت جام کمال خان نال برطانیہ دے ڈائریکٹر جنرل پولیٹیکل ایڈورڈ لیوی لین وفد دے نال ملاقات کیتی ایں دوران پاکستان یوکے تجارتی ڈائیلاگ دی پیش رفت تے ہیلتھ کیئر و لائف سائنسز اچ ورکنگ گروپ دے قیام دی تعریف کیتی ڳئی ، فریقین آئی ٹی، زراعت، پیشہ ورانہ خدمات، تعلیم تے مہارتاں اچ ورکنگ گروپس کوں فعال کرݨ تے اتفاق کیتے۔ سیکرٹری کامرس جواد پال فری ٹریڈ ایگریمنٹ (ایف ٹی اے) کوں وسعت ݙیوݨ دی تجویز پیش کیتی۔جام کمال خان آکھیا جو پالیسی اچ مستقل مزاجی تے ہولے ہولے اصلاحات لمبی مدت دی سرمایہ کاری کیتے کلیدی ہن، پاکستان اپݨیاں تجارتی اصلاحات تے پالیسی اچ مستقل مزاجی دے ذریعے سرمایہ کاراں کیتے پرکشش ملک بݨدا پئے۔ انہاں آکھیا جو تجارتی اصلاحات تے ساختی تبدیلیاں لمبی مدت دی سرمایہ کاری دے اعتماد کوں ودھیندیاں پئن۔ برطانوی وفد دے سربراہ آکھیا جو پاکستان اچ سرمایہ کاری کیتے پالیسی اچ شفافیت تے واضح اشارے سرمایہ کار دا اعتماد ودھیندے پئن۔ انہاں آکھیا جو پاکستان یوکے تجارتی ڈائیلاگ مستقبل اچ تکڑی اقتصادی شراکت دی بنیاد ݙیسی ۔ انہاں دا آکھݨ ہئی جو پاکستانی باسمتی چاول دی جی آئی (GI) تے ٹریڈ مارک رجسٹریشن تے تعاون جاری رکھݨ نال برآمدات کوں فیدہ تھیسی۔ فریقین آئی ٹی، زراعت، پیشہ ورانہ خدمات، تعلیم تے مہارتاں اچ ورکنگ گروپس کوں فعال کرݨ تے پاکستانی باسمتی چاول دی جی آئی تے ٹریڈ مارک رجسٹریشن دے معاملے تے ڳالھ مہاڑ جاری رکھݨ تے اتفاق کیتے
