اسلام آباد۔ 2 اپریل (اے پی پی) وفاقی وزیر قانون و انصاف سینیٹر اعظم نذیر تارڑ نال تاجکستان دے سفیر شریف زادہ یوسف توئر ملاقات کیتی جیندے اچ ݙوہیں ملکاں وچال ݙو پاسہ تعلقات بالخصوص قانونی تے عدالتی تعاون دے ودھارے تے تفصیلی ڳالھ مہاڑ کیتی ڳئی اے۔ ترجمان موجب ملاقات دے دوران پاکستان تے تاجکستان وچال برادرانہ تعلقات تے تاریخی رابطیں کوں مزید تکڑا بݨاوݨ دے عزم دا اظہار …
وفاقی وزیرسینیٹراعظم نذیر تارڑ نال تاجکستان دے سفیر دی ملاقات
اسلام آباد۔ 2 اپریل (اے پی پی) وفاقی وزیر قانون و انصاف سینیٹر اعظم نذیر تارڑ نال تاجکستان دے سفیر شریف زادہ یوسف توئر ملاقات کیتی جیندے اچ ݙوہیں ملکاں وچال ݙو پاسہ تعلقات بالخصوص قانونی تے عدالتی تعاون دے ودھارے تے تفصیلی ڳالھ مہاڑ کیتی ڳئی اے۔ ترجمان موجب ملاقات دے دوران پاکستان تے تاجکستان وچال برادرانہ تعلقات تے تاریخی رابطیں کوں مزید تکڑا بݨاوݨ دے عزم دا اظہار کیتا ڳئے۔ فریقین ایں ڳالھ تے اتفاق کیتا جو ݙوہیں ملکاں وچال قانونی تعاون کوں باقاعدہ شکل ݙیوݨ کیتے مفاہمتی یادداشت تے غور کیتا ویسی۔ایں موقع تے قانونی ماہرین، ججز تے ٻئے پیشہ ور لوکاں دے تبادلے کوں ودھارا ݙیوݨ دی لوڑھ تے وی زور ݙتا ڳئے تاں جو تجربیں تے مہارتاں توں ہک ٻئے توں فیدہ چاوݨ ممکن بݨایا ونڄ سڳے۔ ایندے توں علاوہ ثالثی، مصالحت تے سرحد پار جھیڑیں دے حل دے شعبیں اچ تعاون ودھاوݨ تے وی اتفاق کیتا ڳئے۔ ڳالھ مہاڑ اچ قانونی اصلاحات، تربیتی پروگرامز تے بہترین طریقہ کار دے تبادلے کوں ݙو پاسہ تعلقات دے استحکام کیتے اہم قرار ݙتا ڳئے۔ وفاقی وزیر قانون سینیٹراعظم نذیر تارڑ ایں موقع تے پاکستان تے تاجکستان وچال موجودہ تعاون کوں مزید وسعت ݙیوݨ دے عزم دا اعادہ کریندے آکھیا جو ݙوہیں ملکاں وچال نیڑے رابطے خطے اچ استحکام تے ترقی کیتے ٻہوں اہم ہن۔
