قومی اسمبلی اجلاس سنوار دی شام 5 وڄے تئیں ملتوی

اسلام آباد۔ 3 اپریل (اے پی پی) قومی اسمبلی دا اجلاس سنوار دی شام 5 وڄے تئیں ملتوی کر ݙتا ڳئے۔ قومی اسمبلی دا اجلاس ڈپٹی سپیکر سید غلام مصطفیٰ شاہ دی صدارت اچ شروع تھیا ۔ تلاوت تے قومی ترانے دے بعد اپوزیشن تے حکومتی بنچاں توں ارکان نکتہ اعتراض تے ڳالھ کرݨی چاہی۔ ڈپٹی سپیکر ارکان کوں واری واری تاکید کیتی جو او اپݨی نشستاں تے تشریف رکھن، وقفہ سوالات دے بعد سارے ممبران جیڑھے نکتہ اعتراض تے ڳالھ کرݨ چاہندن انھاں کوں اجازت ہوسی۔ تاں جو ݙوہیں طرفوں ارکان مسلسل نکتہ اعتراض تے ڳالھ کرݨ چاہندے ہن تے اپݨی نشستاں تے کھڑے رہیے۔ ایں دوران ڈپٹی سپیکر اجلاس سنوار دی شام 5 وڄے تئیں ملتوی کر ݙتے