وزیراعلیٰ مریم نواز دا عالمی بحران اچ عوام کیتے ریلیف پیکج دا اعلان

لاہور۔ 3 اپریل (اے پی پی) وزیراعظم محمد شہباز شریف دے قومی بچت تے کفایت شعاری دے جامع پروگرام تے پنجاب اچ وسیع عملدرآمد دا آغاز کر ݙتا ڳئے۔ وزیراعلیٰ مریم نواز تاریخی عالمی بحران اچ پنجاب دے عوام کیتے ٻہوں وݙے ریلیف پیکج دا اعلان کیتے۔ وزیراعلیٰ پنجاب دے سارے شہراں دے اندر چلݨ آلی پبلک ٹرانسپورٹ ݙیوݨ دا ٻہوں وݙا اعلان کیتے۔ اورنج لائن ٹرین، میٹرو بس سروس، سپیڈو بس تے گرین الیکٹرو بس اچ سفر دے دوران شہریاں کوں ٹکٹ کائناں گھنݨی پوسی۔وزیراعلیٰ مریم نواز زراعت، خوراک تے کسان دے تحفظ کیتے نقد رقم ݙیوݨ دا فیصلہ کیتے۔ ایویں کاشتکاراں کوں فی ایکڑ فی لیٹر ڈیزل تے 100 روپے سبسڈی دا اعلان تے موٹر سائیکل سواراں کوں سبسڈی ݙیوݨ دا فیصلہ کیتے، ہررجسٹرڈ بائیک آلے شہری کوں 20 لیٹر تے 100 روپے فی لیٹر سبسڈی ملسی، ہر رجسٹرڈ موٹر سائیکل سوار کوں ماہانہ 2000 روپے سبسڈی ملسی ۔ وزیراعلیٰ عالمی بحران دے باوجود ہک مہینے تئیں پاکستان اچ پٹرولیم مصنوعات دی سپلائی تے نرخ برقرار رکھݨ تے وزیراعظم محمد شہباز شریف کوں خراجِ تحسین پیش کیتا تے آکھیا جو ہک مہینے اچ ارباں روپے دا ریلیف ݙے تے وزیراعظم عوام کوں اوکھ توں بچاوݨ دی بھرپور تے مخلصانہ کوشش کیتی اے۔ وزیراعلیٰ مریم نواز عوام توں اپیل کیتی جو انھاں غیر معمولی حالات اچ شہری ذاتی سواری دی بجائے پبلک ٹرانسپورٹ استعمال کرن ۔ وزیراعلیٰ ݙسایا جو جنگ دے نتیجے اچ پوری دنیا شدید عالمی معاشی بحران دا شکار اے۔ وزیراعلیٰ مریم نواز ایں عزم دا اعادہ کیتا جو وعدہ اے حالات دی بہتری دے نال ہی عوام کوں معاشی ٻوجھ توں نجات ݙویسوں