حقیقت کوں منݨ ہی ذمہ وار قیادت دی سنڄاݨ ہوندے، ڈاکٹر طارق فضل چوہدری

اسلام آباد۔ 4 اپریل (اے پی پی) وفاقی وزیرِ پارلیمانی امور ڈاکٹر طارق فضل چوہدری آکھیے جو حقیقت کوں منݨ ہی ذمہ وار قیادت دی سنڄاݨ ہوندے، ترائے ہفتے تائیں 129 ارب روپے خرچ کرتے عوام کوں مہانگ دے اثرات توں بچایا ڳئے۔ سماجی رابطے دی ویب سائٹ ایکس تے پوسٹ اچ انھاں آکھیا جو جݙاں قیمتاں اچ ایڈجسٹمنٹ ناگزیر تھی ڳئی تاں وزیراعظم شہباز شریف وقتی طور تے لیوی اچ کمی کرتے عوام کوں ریلیف ݙتے۔ اے اوہو لیوی اے جیڑھی 165 ارب روپے دے وݙے سبسڈی پیکج کوں وی سہارا ݙیندی اے۔ طارق فضل چوہدری آکھیا جو اے فیصلہ صرف ہک معاشی اقدام کائنی بلکہ ہک متوازن حکمتِ عملی اے جیندے مقصد معیشت کوں مستحکم رکھݨ تے عوام کوں ودھ توں ودھ ریلیف ݙیوݨ اے۔ پاکستان دی قیادت اوکھے فیصلے کرݨ دا حوصلہ رکھیندی اے، تے ایہو فیصلے ملک کوں اڳوں گھن تے ویندن۔