اسلام آباد۔ 4 اپریل (اے پی پی) وزیراعظم محمد شہباز شریف شہید ذوالفقار علی بھٹو دی سیاسی خدمات کوں خراجِ تحسین پیش کریندے آکھیے جو انھاں آئین دی تیاری تے منظوری اچ تعمیری کردار ادا کیتا تے جمہوریت اچ عوامی طرزِ حکمرانی تے عوام دے بنیادی مسئلیں دے حل کیتے قابلِ قدر کوششاں کیتیاں۔ وزیراعظم دفتر دے میڈیا ونگ توں جاری بیان موجب ذوالفقار علی بھٹو دے یومِ شہادت تے …
شہید ذوالفقار علی بھٹو آئین دی تیاری تے منظوری اچ تعمیری کردار ادا کیتا، وزیراعظم محمد شہباز شریف
اسلام آباد۔ 4 اپریل (اے پی پی) وزیراعظم محمد شہباز شریف شہید ذوالفقار علی بھٹو دی سیاسی خدمات کوں خراجِ تحسین پیش کریندے آکھیے جو انھاں آئین دی تیاری تے منظوری اچ تعمیری کردار ادا کیتا تے جمہوریت اچ عوامی طرزِ حکمرانی تے عوام دے بنیادی مسئلیں دے حل کیتے قابلِ قدر کوششاں کیتیاں۔ وزیراعظم دفتر دے میڈیا ونگ توں جاری بیان موجب ذوالفقار علی بھٹو دے یومِ شہادت تے وزیراعظم اپݨے پیغام اچ آکھیا جو او قومی، سیاسی تے آئینی خدمات تے ذوالفقار علی بھٹو کوں خراجِ تحسین پیش کریندن، ذوالفقار علی بھٹو وزیراعظم دی حیثیت نال ملک دی ترقی و خوشحالی تے تکڑے دفاع دے تناظر اچ خلوصِ نیت نال گراں قدر خدمات انجام ݙتیاں۔آئینِ پاکستان 1973 دی تیاری تے منظوری اچ ذوالفقار علی بھٹو تعمیری کردار ادا کیتا جینکوں پارلیمانی نظام دی مضبوطی تے جمہوریت دے ودھارے اچ کلیدی حیثیت حاصل اے۔ وزیراعظم آکھیا جو ذوالفقارعلی بھٹو جمہوریت اچ عوامی طرزِ حکمرانی تے عوام دے بنیادی مسئلیں دے حل کیتے قابلِ قدر کوششاں کیتیاں۔ وزیراعظم دی حیثیت نال ذوالفقار علی بھٹو عالمی سطح تے پاکستان دی نمائندگی وی کیتی۔ انھاں شہید ذوالفقار علی بھٹو دے درجات دی بلندی کیتے دعا کریندے آکھیا جو انھاں دی سیاسی خدمات کوں ہمیشہ یاد رکھیا ویسی۔
