لاہور۔ 4 اپریل (اے پی پی) وزیراعظم محمد شہباز شریف پاک بحریہ دے ٻیڑے اچ جدید جنگی جہاز پی این ایس خیبر دی شمولیت تے دلی مسرت تے ماݨ کریندے ایں اہم پیشرفت کوں پاکستان دی دفاعی صلاحیتاں اچ ودھارے تے بحری سرحداں دے موثر تحفظ دے پاسے ہک سنگِ میل قرار ݙتے ۔ وزیراعظم دفتردے میڈیا ونگ توں جاری بیان موجب وزیراعظم آکھیا جو پاکستان دا جغرافیائی محلِ وقوع …
وزیراعظم دا پاک بحریہ دے ٻیڑے اچ جدید جنگی جہاز پی این ایس خیبر دی شمولیت تے اظہارِ مسرت
لاہور۔ 4 اپریل (اے پی پی) وزیراعظم محمد شہباز شریف پاک بحریہ دے ٻیڑے اچ جدید جنگی جہاز پی این ایس خیبر دی شمولیت تے دلی مسرت تے ماݨ کریندے ایں اہم پیشرفت کوں پاکستان دی دفاعی صلاحیتاں اچ ودھارے تے بحری سرحداں دے موثر تحفظ دے پاسے ہک سنگِ میل قرار ݙتے ۔ وزیراعظم دفتردے میڈیا ونگ توں جاری بیان موجب وزیراعظم آکھیا جو پاکستان دا جغرافیائی محلِ وقوع ٻہوں زیادہ اہمیت رکھیندے جتھوں عالمی تجارت تے توانائی دی ترسیل دے وݙے بحری رستے گزردن۔انھاں آکھیا جو ہک تکڑی، متوازن تے جدید ٹیکنالوجی نال لیس بحریہ ناگزیر اے تاں جو قومی مفادات دا تحفظ یقینی بݨایا ونڄ سڳے تے سمندری مواصلاتی رستے محفوظ رہن۔ وزیراعظم آکھیا جو “معرکہٴ حق” دے دوران پاک بحریہ دی پیشہ ورانہ مہارت تے حکمتِ عملی دشمن کوں پچھی تے ہٹݨ تے مجبور کر ݙتا ہئی۔ وزیراعظم آکھیا جو پاکستان اپݨی خودمختاری تے بحری مفادات دے تحفظ کیتے ہر ممکن اقدام کریسی، جدید جنگی پلیٹ فارمز بشمول پی این ایس خیبر تے آوݨ آلی ہنگور کلاس آبدوزاں، پاک بحریہ دی آپریشنل صلاحیت، دفاعی طاقت تے سٹریٹجک رسائی اچ نمایاں ودھارا کریسن۔ وزیراعظم آکھیا جو حکومت پاک بحریہ کوں جدید تقاضیں نال ہم آہنگ کرݨ کیتے پرعزم اے۔
