صدرِمملکت دا پاک بحریہ اچ پی این ایس خیبر دی شمولیت تے اظہارِ مسرت

اسلام آباد۔ 4 اپریل (اے پی پی) صدرِ مملکت آصف علی زرداری پاک بحریہ اچ پی این ایس خیبر دی شمولیت تے مسرت دا اظہار کریندے آکھیے جو پی این ایس خیبر دی شمولیت پاک بحریہ دی پیشہ ورانہ صلاحیتاں تے تیاری اچ مسلسل بہتری دا مظہر اے، پاک بحریہ ہر موقع تے بالخصوص معرکہٴ حق دے دوران قومی سلامتی دے تقاضیں موجب اپݨی ذمہ واریاں احسن طریقے نال نبھائن۔ ہفتے کوں ایوانِ صدر دے پریس ونگ توں جاری بیان موجب صدرِمملکت آصف علی زرداری آکھیا جو بدلدے علاقائی تناظر اچ تکڑی بحری قوت قومی خودمختاری دے تحفظ دا اہم ستون اے۔ پاکستان اپݨی سمندری سرحداں دے دفاع تے قومی مفادات دے تحفظ کیتے مکمل طور تے پُرعزم اے۔