وزیراعظم شہباز شریف دا مسیحی برادری دے مذہبی تہوار ایسٹر تے پیغام

اسلام آباد۔ 5 اپریل (اے پی پی) وزیراعظم محمد شہباز شریف مسیحی برادری کوں ایسٹر دے تہوار دی دلی مبارخ ݙیندے آکھیے جو سارے شہریاں بالخصوص اقلیتاں دے مذہبی، معاشی، تعلیمی حقوق دا یقینی تحفظ حکومت دی ترجیحات اچ شامل اے، دنیا دے موجودہ کشیدہ حالات اچ سارے مذاہب دی امن دی تعلیم و ترغیب تے وی اہمیت اختیار کر ڳئی اے۔ وزیراعظم دفتردے میڈیا ونگ توں جاری پیغام اچ وزیراعظم آکھیا جو ایسٹر دے پرمسرت موقع تے پاکستانی عوام تے حکومت دی طرفوں دنیا بھر بالخصوص پاکستان اچ وسݨ آلی مسیحی برادری کوں دلی مبارخ پیش کرینداں۔ سارے اہل و طن کوں ایں تہوار دی روایتی خوشیاں مبارک ہوون، اساں دعاگو ہیسے جو خوشیاں دا اے ݙینھ مسیحی برادری، اساݙے ملک تے دنیا بھر کیتے امن و استحکام تے خوشحالی دی نوید گھن تے آسی۔انھاں آکھیا جو دنیا دے موجودہ کشیدہ حالات اچ سارے مذاہب دی امن دی تعلیم و ترغیب تے وی اہمیت اختیار کر ڳئی اے، ایسٹر کہیں وی مذہبی تہوار وانڳوں پوری انسانیت کیتے محبت، امیدِ نو، قربانی و درگزر، امن و رواداری، بھرپی جہیں مثبت اقدار تے سماجی و بین المذاہب ہم آہنگی دا پیغام اے۔ انھاں آکھیا جو پاکستان دی مسیحی برادری سارے پیشہ ورانہ شعبیں اچ، ملکی معاشی و معاشرتی ترقی کیتے قابلِ فخر، قابلِ قدر تے ٻہوں فعال کردار ادا کریندی پئی اے، سارے شہریاں بالخصوص اقلیتاں دے مذہبی، معاشی، تعلیمی حقوق دا یقینی تحفظ حکومت دی ترجیحات اچ شامل اے، سارے شہریاں کیتے ہکو جہیں موقع تے حقوق دے تحفظ دے عزم دی بنیاد اسلامی تعلیمات، قائداعظم محمد علی جناح دے نظریات تے آئینِ پاکستان دی ضمانت تے قائم اے ۔ مذہبی ہم آہنگی تے کثیر الجہتی ثقافت دے رنگ معاشرتی تنوع دے عکاس ہن، سارے طبقیں دی ملکی ترقی کیتے مخلصانہ کوششاں ہی فلاحی ریاست تے قومی اتحاد دی ضمانت ہن۔ انھاں آکھیا جو آؤ تجدیدِ عہد کروں جو ساری قوم متحد تھی تے پوری جانفشانی نال ملکی ترقی و خوشحالی کیتے اپݨا تعمیری کردار ادا کریندی رہسی