آپریشن غضب للحق دے دوران افغان طالبان دے 796 کارندے ہلاک، 1043 توں ودھ زخمی تھی ڳئے، وفاقی وزیر اطلاعات عطا اللہ تارڑ

اسلام آباد۔ 5 اپریل (اے پی پی) آپریشن غضب للحق دے دوران 5 اپریل 2026ء شام 5 وڄے تئیں فتنہ الخوارج / افغان طالبان دے 796 کارندے ہلاک تے 1043 توں ودھ زخمی تھی ڳئے۔ وفاقی وزیر اطلاعات عطا اللہ تارڑ اتوار کوں سماجی رابطے دے پلیٹ فارم “ایکس” تے اپݨی ہک پوسٹ اچ ݙسایا جو آپریشن غضب للحق دے دوران افغان طالبان دی 286 چوکیاں تباہ جݙاں جو 44 چوکیاں قبضے اچ گھن ڳھدیاں ڳئن۔ایندے نال نال 249 ٹینک، بکتر بند گاݙیاں، توپاں تے ڈرون تباہ کیتے ڳئے۔ افغانستان اچ 81 دہشت گرداں تے انھاں دے سہولت کاراں دے ٹھکاݨیں کوں موثر طورتے نشانہ بݨایا ڳئے۔ انھاں کارروائیاں دے دوران 2 تے 3 اپریل دی رات غلام خان سیکٹر اچ سرحدی چوکی تے افغان طالبان/فتنہ الخوارج دی طرفوں حملے دی کوشش کوں مکمل طور تے ناکام بݨایا ڳئے جیندے اچ انھاں کوں بارا جانی ضیان چاوݨا پئے تے انھاں دے 37 کارندے ہلاک تے 80 توں ودھ زخمی تھئن۔