وزیرِ اعظم شہباز شریف دا متحدہ عرب امارات دی خورفکان بندرگاہ اچ شہریاں دے زخمی تھیوݨ تے تشویش

اسلام آباد۔ 6 اپریل (اے پی پی) وزیرِ اعظم محمد شہباز شریف متحدہ عرب امارات دی خورفکان بندرگاہ اچ پیش آوݨ آلے واقعے تے تشویش دا اظہار کیتے جیندے اچ ہک روکے ڳئے حملے دے نتیجے اچ شہری زخمی تھئن جنھاں اچ پاکستانی شہری وی شامل ہن۔ وزیرِ اعظم سنوار کوں “ایکس” تے جاری بیان اچ ایں واقعے اچ زخمی تھیوݨ آلیاں دی جلدی صحت یابی کیتے دعا کیتی۔ وزیرِ اعظم آکھیا جو حکومت پاکستانی شہریاں کوں ہر ممکن مدد فراہم کرݨ کیتے متحدہ عرب امارات دے حکام دے نال مسلسل رابطے اچ اے ۔ انھاں ایں واقعے تے پاکستان ولوں متحدہ عرب امارات دی برادر عوام دے نال یکجہتی دا اظہار کریندیں ہوئیں خطے اچ تحمل، کشیدگی اچ ڳھٹکی تے صورتحال کوں ٻیا وڳڑݨ توں روکݨ دی لوڑھ تے زور ݙتے۔