اسلام آباد۔ 7 اپریل (اے پی پی) وزیراعظم محمد شہباز شریف نیشنل ٹیرف کمیشن اچ تمام کیسز کوں مقررہ وقت اچ نبیڑݨ دی ہدایت کریندیں ہوئیں آکھیا جو کمیشن سرمایہ کاراں تے صنعت کاراں کیتے سہولت کوں یقینی بݨاوے اتے قانونی تے ٻئی پیچیدگیاں توں بچاوݨ کیتے خاص اقدامات کرے، کیسز اچ تاخیر کہیں صورت اچ برداشت کائنی ۔ منگل کوں وزیراعظم آفس دے میڈیا ونگ توں جاری تھئیے بیان …
نیشنل ٹیرف کمیشن سرمایہ کاراں تے صنعت کاراں کیتے سہولت کوں یقینی بݨاوے، کیسز اچ تاخیر کہیں صورت اچ برداشت کائنی، وزیراعظم شہباز شریف دا اصلاحاتی اقدامات دے جائزہ اجلاس توں خطاب
اسلام آباد۔ 7 اپریل (اے پی پی) وزیراعظم محمد شہباز شریف نیشنل ٹیرف کمیشن اچ تمام کیسز کوں مقررہ وقت اچ نبیڑݨ دی ہدایت کریندیں ہوئیں آکھیا جو کمیشن سرمایہ کاراں تے صنعت کاراں کیتے سہولت کوں یقینی بݨاوے اتے قانونی تے ٻئی پیچیدگیاں توں بچاوݨ کیتے خاص اقدامات کرے، کیسز اچ تاخیر کہیں صورت اچ برداشت کائنی ۔ منگل کوں وزیراعظم آفس دے میڈیا ونگ توں جاری تھئیے بیان دے مطابق وزیراعظم محمد شہباز شریف دی صدارت نیشنل ٹیرف کمیشن دی کارکردگی کوں موثر تے بین الاقوامی معیار دے مطابق کرݨ کیتے جاری اصلاحاتی اقدامات تے جائزہ اجلاس تھیا۔ وزیراعظم نیشنل ٹیرف کمیشن کوں ملک اچ صنعت تے تجارت تے سرمایہ کاری دے فروغ کیتے سہولت ݙیوݨ دی ہدایات جاری کیتن۔ وزیراعظم نیشنل ٹیرف کمیشن نال جڑی قانونی پیچیدگیاں دے حل دی لوڑھ تے وی زور ݙتے۔ وزیراعظم نیشنل ٹیرف کمیشن اچ افرادی قوت تے عملے دی تربیت تے ماہرین دی رائے کوں حکمتِ عملی دا حصہ بݨاوݨ دی وی ہدایت کیتی۔ اجلاس اچ وزیراعظم کوں جاری قانونی، انتظامی تے مالی اصلاحات تے بریفنگ ݙتی ڳئی ۔ وزیراعظم آکھیا جو ادارے دی نویں سروں بݨاوت دے بعد ایندی فعال کارکردگی ملکی صنعت اچ اضافے کیتے ٻہوں ضروری اے۔ وزیراعظم ہدایت کیتی جو نیشنل ٹیرف کمیشن دے سارے کماں کوں مکمل ڈیجیٹل بݨا تے شفافیت کوں یقینی بݨایا ونڄے، انفارمیشن ٹیکنالوجی تے مصنوعی ذہانت (AI) دے استعمال نال ادارے اچ جدت گھن آئی ونڄے۔ انھاں آکھیا جو کیسز نبیڑݨ کیتے ایجھا نظام بݨایا ونڄے جتھاں کوئی تاخیر نہ تھیوے ۔ اجلاس اچ وفاقی وزراء محمد اورنگزیب، جام کمال خان، اعظم نذیر تارڑ، مصدق ملک، احد خان چیمہ تے ٻئے افسراں شرکت کیتی۔
