وزیراعظم شہباز شریف دی قابلِ تجدید توانائی دے ذرائع کوں قومی سطح تے ٻیا ودھاوݨ کیتے جامع لائحہ عمل تشکیل ݙیوݨ، بیٹری توانائی سٹوریج سسٹم دے منصوبے تے کم تیز کرݨ دی ہدایت

اسلام آباد۔ 7 اپریل (اے پی پی) وزیراعظم محمد شہباز شریف قابلِ تجدید توانائی دے ذرائع کوں قومی سطح تے ٻیا دھاوݨ کیتے جامع لائحہ عمل تشکیل ݙیوݨ تے بیٹری توانائی سٹوریج سسٹم دے منصوبے تے کم تیز کرݨ دی ہدایت کریندیں ہوئیں آکھیا جو خطے دی کشیدہ صورتحال دی وجہ توں تیل دی رسد اچ رکاوٹاں دے باوجود ملک اچ بجلی دی پیداوار اچ قابلِ تجدید توانائی دا مناسب حصہ ہووݨ دی وجہ توں توانائی دا بحران پیدا کائنی تھیا، شمسی توانائی تے ٻئے قابلِ تجدید توانائی دے ذرائع ای بجلی دے شعبے دا مستقبل ہن۔ او منگل کوں اتھاں آپݨی صدارت مستقبل دی ضروریات دے پیشِ نظر بجلی دی فراہمی کیتے طویل مدتی منصوبہ بندی تے حالیہ بین الاقوامی صورتحال دے پیشِ نظر ملکی برآمدات دی پیشرفت دے حوالے نال اجلاس توں خطاب کریندے پئے ہن ۔ اجلاس اچ نائب وزیراعظم تے وزیرِ خارجہ سینیٹر محمد اسحاق ڈار، وفاقی وزراء ڈاکٹر احسن اقبال، رانا تنویر حسین، جام کمال خان، ڈاکٹر مصدق مسعود ملک، احد چیمہ، محمد اورنگزیب، عطاء اللہ تارڑ، علی پرویز ملک، سردار اویس احمد لغاری، جنید انوار چوہدری، وزیرِ مملکت برائے خزانہ بلال اظہر کیانی، معاونین خصوصی ہارون اختر تے طارق باجوہ، گورنر سٹیٹ بینک جمیل احمد تے متعلقہ اداریاں دے اعلیٰ افسران شریک ہن۔ وزیراعظم آکھیا جو خطے دی کشیدہ صورتحال دی وجہ توں تیل دی رسد اچ رکاوٹاں دے باوجود ملک اچ بجلی دی پیداوار اچ قابلِ تجدید توانائی دا مناسب حصہ ہووݨ دی وجہ توں توانائی دا بحران پیدا کائنی تھیا۔ انھاں بیٹری توانائی سٹوریج سسٹم دے منصوبے تے کم تیز کرݨ دی ہدایت کریندیں ہوئیں آکھیا جو شمسی توانائی تے ٻئے قابلِ تجدید توانائی دے ذرائع ای بجلی شعبے دا مستقبل ہن۔ وزیراعظم قابلِ تجدید توانائی دے ذرائع کوں قومی سطح تے مزید وسعت ݙیوݨ کیتے جامع لائحہ عمل تشکیل ݙیوݨ دی ہدایت کریندیں ہوئیں آکھیا جو حالیہ عالمی کشیدگی تے چیلنجز دے باوجود خلیجی ملکاں کوں پاکستانی برآمدات جاری ہن۔ وزیراعظم پی این ایس سی (PNSC) کوں سمندری رستے توں ملکی برآمدات ودھاوݨ کیتے بحری جہازاں دا انتظام کرݨ دی ہدایت کریندیں ہوئیں آکھیا جو علاقائی کشیدگی دے باوجود کامیاب سفارتکاری نال خلیجی ملکاں کوں پاکستانی برآمدات دی رسد یقینی بݨائی ڳئی اے۔ اجلاس اچ وزیراعظم کوں بجلی دی پیداوار دے حوالے نال طویل مدتی لائحہ عمل، حالیہ عالمی صورتحال اچ ملکی برآمدات کیتے موقع تے درپیش چیلنجز تے انھاں نال نبڑݨ کیتے اقدامات دے بارے اچ ݙسیا ڳئیا۔ وزیراعظم کوں بریفنگ اچ ݙسایا ڳیا جو ایں ویلھے بجلی دی کل پیداوار اچ 55 فیصد حصہ قابلِ تجدید ذرائع تے 45 فیصد حصہ حیاتیاتی (fossil) ایندھن دا اے۔ آوݨ آلے ݙاہ سالاں اچ بجلی دی قابلِ تجدید ذرائع توں پیداوار 90 فیصد تائیں جݙاں جو حیاتیاتی ایندھن توں پیداوار 10 فیصد تائیں گھن ونڃݨ کیتے منصوبہ بندی تے کم جاری اے۔ حالیہ علاقائی کشیدگی پاروں ملکی برآمدات کیتے سہولت پیدا کرݨ کیتے خلیجی ملکاں دے نال سفارتی کوششاں جاری ہن۔ بریفنگ دے مطابق خلیجی ملکاں اچ پاکستانی زرعی اجناس دی منڳ اچ مسلسل اضافہ تھیے۔