اسلام آباد۔ 7 اپریل (اے پی پی) پاکستان مسجدِ اقصیٰ (الحرم الشریف) اتے اسرائیلی قابض افواج دے حملے دی شدید ترین لفظاں اچ مذمت کریندے ہوئیں آکھیا جو اے قابلِ مذمت اقدام مقدس مقام دی حرمت تے ایندے تاریخی تشخص تے براہِ راست حملہ اتے بین الاقوامی قانون سودھے اقوامِ متحدہ دی متعلقہ قرارداداں دی صریح خلاف ورزی اے۔ ترجمان دفترِ خارجہ ولوں منگل کوں جاری بیان اچ آکھیا ڳیا …
پاکستان دی مسجدِ اقصیٰ تے اسرائیلی قابض افواج دے حملے دی شدید مذمت
اسلام آباد۔ 7 اپریل (اے پی پی) پاکستان مسجدِ اقصیٰ (الحرم الشریف) اتے اسرائیلی قابض افواج دے حملے دی شدید ترین لفظاں اچ مذمت کریندے ہوئیں آکھیا جو اے قابلِ مذمت اقدام مقدس مقام دی حرمت تے ایندے تاریخی تشخص تے براہِ راست حملہ اتے بین الاقوامی قانون سودھے اقوامِ متحدہ دی متعلقہ قرارداداں دی صریح خلاف ورزی اے۔ ترجمان دفترِ خارجہ ولوں منگل کوں جاری بیان اچ آکھیا ڳیا جو پاکستان اسرائیلی قابض حکام ولوں مسجدِ اقصیٰ دی مذہبی، تاریخی تے قانونی حیثیت کوں تبدیل یا کمزور کرݨ دی ساری کوشِشاں کوں قطعی طور تے مسترد کریندے ۔ پاکستان عالمی برادری تے زور ݙتا جو او ایجھے اشتعال انگیز اقدامات دی روک تھام کیتے فوری تے موثر اقدامات کرے ۔ بیان دے مطابق پاکستان فلسطینی عوام دے منصفانہ موقف دی آپݨی غیر متزلزل تے اصولی حمایت دا اعادہ کریندے جیندے اچ انھاں دا حقِ خودارادیت وی شامل اے اتے ہک آزاد، خودمختار، قابلِ عمل تے جغرافیائی طور تے منسلک فلسطینی ریاست دے قیام دی حمایت کریندے جیڑھی جون 1967 توں پہلے دی سرحداں تے مشتمل ہووے اتے جیندا دارالحکومت القدس الشریف ہووے۔
