چیئرمین سینیٹ دی صدارت سینیٹ دی ہاؤس بزنس ایڈوائزری کمیٹی دا اجلاس

اسلام آباد۔ 7 اپریل (اے پی پی) سینیٹ دی ہاؤس بزنس ایڈوائزری کمیٹی دا اجلاس منگل دے ݙینہہ چیئرمین سینیٹ سید یوسف رضا گیلانی دی صدارت تھیا ۔ اجلاس اچ سینیٹ دے 360 ویں اجلاس دے دوران زیرِ غور آوݨ آلے قانون سازی دے معاملیاں تے تفصیلی غور کیتا ڳیا ۔ قانون سازی دے علاوہ اجلاس اچ اہم قومی تے بین الاقوامی امور تے وی بحث کیتی ویسی ۔ کمیٹی فیصلہ کیتا جو اڄوکے اجلاس 17 اپریل 2026 تائیں جاری رہݨ دا امکان اے۔ کمیٹی سینیٹر شیری رحمان دی صاحبزادی دے انتقال تے ݙکھ اتے افسوس دا اظہار کیتا ۔ ارکان مرحومہ دے ایصالِ ثواب تے سوگوار خاندان کیتے صبرِ جمیل دی دعا کیتی ۔ اجلاس اچ ڈپٹی چیئرمین سینیٹ سیدال خان ناصر، سینیٹر راجہ ناصر عباس، قائدِ حزبِ اختلاف سینیٹر رانا ثناء اللہ خان، سینیٹر شیری رحمان، سینیٹر منظور احمد، سینیٹر حاجی ہدایت اللہ خان، سینیٹر مولانا عطا الرحمان، سینیٹر امیر ولی الدین چشتی، سینیٹر کامل علی آغا، سینیٹر سلیم مانڈوی والا، سینیٹر انوشہ رحمان، سینیٹر جان محمد، سینیٹر علی ظفر، وزیرِ قانون تے انصاف سینیٹر اعظم نذیر تارڑ، وزیرِ پارلیمانی امور ڈاکٹر طارق فضل چوہدری، تے سیکرٹری سینیٹ سید حسنین حیدر شرکت کیتی ۔ سیکرٹری سینیٹ کمیٹی کوں اڄوکے اجلاس دے دوران زیرِ غور آوݨ آلے قانون سازی دے معاملیاں تے بریفنگ ݙتی۔