کشمیر، خیبرپختونخوا، مری تے گلیات دے مقامی ندی نالیاں اچ طغیانی تے پہاڑی علاقیاں اچ لینڈ سلائیڈنگ دا خدشہ اے، محکمہٴ موسمیات

اسلام آباد۔ 7 اپریل (اے پی پی) محکمہٴ موسمیات انتباہ جاری کیتا جو منگل دی رات اتے 8 اپریل کوں موسلادھار بارشاں دی وجہ توں کشمیر، خیبرپختونخوا، مری تے گلیات دے مقامی ندی نالیاں اچ طغیانی دا خطرہ جݙاں جو پہاڑی علاقیاں اچ لینڈ سلائیڈنگ دا خدشہ اے۔ ایں دوران پشاور، نوشہرہ، مردان، اسلام آباد، راولپنڈی، گجرات، گوجرانوالہ تے سیالکوٹ دے نشیبی علاقے زیرِ آب آوݨ جݙاں جو اندھاری، ژالہ باری اتے آسمانی بجلی دی وجہ توں ایں دوران کمزور ڈھانچیاں (بجلی دے کھمبے، بل بورڈز، سولر پینلز وغیرہ) کوں نقصان تھیوݨ دا خدشہ  اے۔ ژالہ باری اتے اندھاری دی وجہ توں پنجاب تے خیبر پختونخوا اچ کھڑی فصلاں کوں نقصان تھیوݨ دا وی خدشہ اے۔ محکمہٴ موسمیات دے مطابق آوݨ آلے 24 گھنٹیاں اچ خیبرپختونخوا، بالائی/وسطی پنجاب، اسلام آباد، کشمیر تے گلگت بلتستان اچ کئی جہیں تے تیز ہواواں اتے ڳاڄ کھمݨ نال وقفے وقفے نال بارش جݙاں جو بعض مقامات تے موسلادھار بارش تے ژالہ باری دی توقع  اے۔ ایں دوران جنوبی پنجاب اچ مطلع جزوی ابر آلود رہݨ دے علاوہ کجھ جہیں تے تیز ہواواں اتے ڳاڄ کھمݨ دے نال مینہ وسݨ دا امکان اے۔ (کل) بدھ کوں خیبرپختونخوا، بالائی پنجاب، اسلام آباد اتے کشمیر اچ کجھ ڄہیں تے تیز ہواواں تے ڳاڄ کھمݨ نال ٻئی بارش دی توقع اے۔ ملک دے ٻئے علاقیاں اچ موسم خشک تے مطلع جزوی ابر آلود رہسی۔ گزریل 24 گھنٹیاں اچ پنجاب، خیبر پختونخوا، اسلام آباد، کشمیر اتے شمالی/وسطی بلوچستان اچ اکثر جہیں تے تیز ہواواں اتے ڳاڄ کھمݨ دے نال مینہ (کجھ جہیں تے موسلادھار بارش) تھئی اے۔ سبساریاں توں ودھ بارش پنجاب اچ اٹک 61، اسلام آباد ایئرپورٹ 52، مری 38، ملتان سٹی 40، جݙاں جو خیبر پختونخوا اچ مالم جبہ 53 ملی میٹر ریکارڈ کیتی ڳئی اے۔ منگل کوں ریکارڈ کیتا ڳیا ودھ توں ودھ درجہ حرارت ٹنڈو جام تے مٹھی اچ 36 ڈگری سینٹی گریڈ ریکارڈ کیتا ڳیا ۔