نائب وزیراعظم محمد اسحاق ڈار دا قطری وزیر ڈاکٹر محمد بن عبدالعزیز الخلیفی نال ٹیلیفونک رابطہ

اسلام آباد۔ 8 اپریل (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار قطر دے وزیرِ مملکت ڈاکٹر محمد بن عبدالعزیز الخلیفی نال بدھ کوں ٹیلیفون تے ڳالھ کیتی اے۔دفترِ خارجہ دی جانب توں جاری تھئیے بیان دے مطابق نائب وزیراعظم حالیہ علاقائی صورتحال تے ڳالھ کریندیں ہوئیں خطے اچ امن و استحکام دے فروغ کیتے ڳالھ مہاڑ تے سفارتکاری کوں اڳوں ودھاوݨ دی پاکستان دی مسلسل کوشِشاں کوں اجاگر کیتے ۔ قطر دے وزیرِ مملکت نائب وزیراعظم اتے وزیرِ خارجہ دی کوششاں کوں سراہیا اتے قیامِ امن کیتے پاکستان دے تعمیری کردار دی تعریف کیتی اے۔ انھاں قطر دے وزیراعظم اتے وزیرِ خارجہ شیخ محمد بن عبدالرحمن آل ثانی ولوں نیک تمناواں دا سنیھا وی پڄایا۔