اسلام آباد۔ 8 اپریل (اے پی پی) ایران دے صدر ڈاکٹر مسعود پزشکیان عارضی جنگ بندی کیتے پاکستانی قیادت دی کوشِشاں دی تعریف کریندیں ہوئیں اسلام آباد اچ تھیوݨ آلے مذاکرات اچ آپݨی شرکت دی تصدیق کیتی اے۔ بدھ کوں وزیراعظم محمد شہباز شریف اسلامی جمہوریہ ایران دے صدر ڈاکٹر مسعود پزشکیان نال ٹیلیفون تے تفصیلی ڳالھ مہاڑ کیتی۔ وزیراعظم آفس دے میڈیا ونگ توں جاری تھئیے بیان دے مطابق …
وزیراعظم شہباز شریف اتے ایرانی صدر ڈاکٹر مسعود پزشکیان دا ٹیلیفونک رابطہ، ایران دی اسلام آباد مذاکرات اچ شرکت دی تصدیق، پاکستانی قیادت دی کوشِشاں دی تعریف
اسلام آباد۔ 8 اپریل (اے پی پی) ایران دے صدر ڈاکٹر مسعود پزشکیان عارضی جنگ بندی کیتے پاکستانی قیادت دی کوشِشاں دی تعریف کریندیں ہوئیں اسلام آباد اچ تھیوݨ آلے مذاکرات اچ آپݨی شرکت دی تصدیق کیتی اے۔ بدھ کوں وزیراعظم محمد شہباز شریف اسلامی جمہوریہ ایران دے صدر ڈاکٹر مسعود پزشکیان نال ٹیلیفون تے تفصیلی ڳالھ مہاڑ کیتی۔ وزیراعظم آفس دے میڈیا ونگ توں جاری تھئیے بیان دے مطابق تقریباً 45 منٹ توں وددھ جاری رہݨ آلی ایں خوشگوار تے دوستانہ ڳالھ مہاڑ اچ وزیراعظم ایرانی قیادت دی دانشمندی تے دور اندیشی کوں سراہیا جئیں جنگ بندی تے آمادگی ظاہر کریندیں ہوئیں وزیراعظم پاکستان ولوں ایران تے امریکہ وچال ایں ہفتے اسلام آباد اچ مذاکرات دی میزبانی دی پیشکش قبول کیتی اے۔ وزیراعظم ایران دے سپریم لیڈر آیت اللہ مجتبیٰ خامنہ ای کیتے وی اپݨی تعظیم دا اظہار کیتے۔ ایران دے صدر ڈاکٹر مسعود پزشکیان وزیراعظم دا شکریہ ادا کیتا اتے ایران تے امریکہ وچال عارضی جنگ بندی کیتے پاکستانی قیادت دی کوشِشاں کوں سراہندیں ہوئیں پاکستانی عوام کیتے نیک خواہشات دا اظہار کیتے۔ بیان دے مطابق انھاں ایں ڳالھ دی وی تصدیق کیتی جو ایران اسلام آباد اچ تھیوݨ آلے مذاکرات اچ شرکت کریسی ۔ ݙوہیں رہنماواں رابطے اچ رہݨ تے وی اتفاق کیتا۔
