اسلام آباد۔ 8 اپریل (اے پی پی) وزیرِ دفاع خواجہ محمد آصف آکھیا جو دفاعی میدان اچ بھارت دے خلاف جنگ اچ کامیابی دے بعد پاکستان سفارتی میدان اچ وی سبقت گھن ڳئے، اج پوری دنیا اچ پاکستان دی عزت تے وقار اچ اضافہ تھیے۔ اساں آپݨی قیادت دی بصیرت دی داد ݙیندوں، اساݙے ایں کردار توں دنیا جنگ دے دہانے توں پچھوں ہٹی اے۔ مستقبل اچ پاکستان کیتے کامیابیاں …
دفاعی میدان اچ بھارت دے خلاف جنگ اچ کامیابی دے بعد پاکستان سفارتی میدان اچ وی سبقت گھن ڳئے، وزیرِ دفاع خواجہ محمد آصف دی قومی اسمبلی اچ ڳالھ مہاڑ
اسلام آباد۔ 8 اپریل (اے پی پی) وزیرِ دفاع خواجہ محمد آصف آکھیا جو دفاعی میدان اچ بھارت دے خلاف جنگ اچ کامیابی دے بعد پاکستان سفارتی میدان اچ وی سبقت گھن ڳئے، اج پوری دنیا اچ پاکستان دی عزت تے وقار اچ اضافہ تھیے۔ اساں آپݨی قیادت دی بصیرت دی داد ݙیندوں، اساݙے ایں کردار توں دنیا جنگ دے دہانے توں پچھوں ہٹی اے۔ مستقبل اچ پاکستان کیتے کامیابیاں دے نویں دروازے کھلسن ۔ عالمِ اسلام کوں ایں ڳالھ کوں تسلیم کرݨا ہوسی جو اسرائیل تے ہندوستان اساݙے ازلی دشمن ہن، پاکستان دے کول امت دی قیادت دے مواقع ہن۔ بدھ کوں قومی اسمبلی اچ ڳالھ مہاڑ کریندیں ہوئیں وزیرِ دفاع آکھیا جو پاکستان کوں 78 سالہ تاریخ اچ جیڑھی قدر ایں ویلھے عزت تے تکریم ملی اے تاریخ اچ ایندی مثال نئی ملدی ۔ اج پوری دنیا اچ پاکستان دے کردار دی تعریف کیتی ویندی پئی اے ۔ یورپی یونین، مسلم ملکاں سودھے اساݙے ہمسائے وی اساݙی سیاسی تے عسکری قیادت، وزیراعظم شہباز شریف اتے فیلڈ مارشل سید عاصم منیر دے کردار دی تعریف کریندے پئن۔
