اسلام آباد۔ 9 اپریل (اے پی پی) چیئرمین سینیٹ سید یوسف رضا گیلانی سجادہ نشین درگاہ غوثیہ گولڑہ شریف پیر سید معین الحق گیلانی دے وݙے صاحبزادے پیر سید مہر فرید الحق مہر گیلانی دے انتقال تے تعزیت تے یکجہتی کیتے گولڑہ شریف ڳئے جتھاں انھاں مرحوم دے اہل خانہ تے عقیدت منداں نال ملاقات کیتی اتے دلی ہمدردی، تعزیت تے یکجہتی دا اظہار کیتے۔ ایں موقع تے چیئرمین سینیٹ …
چیئرمین سینیٹ سید یوسف رضا گیلانی دا پیر سید معین الحق گیلانی دے وݙے صاحبزادے دے انتقال تے افسوس
اسلام آباد۔ 9 اپریل (اے پی پی) چیئرمین سینیٹ سید یوسف رضا گیلانی سجادہ نشین درگاہ غوثیہ گولڑہ شریف پیر سید معین الحق گیلانی دے وݙے صاحبزادے پیر سید مہر فرید الحق مہر گیلانی دے انتقال تے تعزیت تے یکجہتی کیتے گولڑہ شریف ڳئے جتھاں انھاں مرحوم دے اہل خانہ تے عقیدت منداں نال ملاقات کیتی اتے دلی ہمدردی، تعزیت تے یکجہتی دا اظہار کیتے۔ ایں موقع تے چیئرمین سینیٹ آکھیا جو پیر سید مہر فرید الحق شاہ مہر گیلانی ہک ممتاز روحانی پیشوا تے باوقار مذہبی رہنما ہن جنھاں آپݨی زندگی دینِ اسلام دی خدمت، اشاعتِ دین تے انسانیت دی فلاح کیتے وقف رکھی۔ انھاں آکھیا جو مرحوم دی وفات توں مذہبی تے روحانی حلقیاں اچ ہک ایجھا خلا پیدا تھیا جینکوں طویل عرصے تائیں محسوس کیتا ویندا رہسی ۔ چیئرمین سینیٹ سید یوسف رضا گیلانی پیر سید مہر فرید الحق مہر گیلانی دے انتقال کوں روحانی خانوادے کیتے وݙا سانحہ قرار ݙیندیں ہوئیں آکھیا جو ایجھی شخصیات دی ڳھٹکی مدتوں محسوس کیتی ویندی اے۔ چیئرمین سینیٹ مرحوم دے درجات دی بلندی، مغفرت تے پسماندگان کیتے صبر تے استقامت دی دعا کریندیں ہوئیں آکھیا جو ݙکھ دی ایں گھڑی اچ او سوگواراں تے عقیدت منداں دے نال برابر دے شریک ہن۔
