وزیراعظم شہباز شریف دا فرانس سودھے دوست ملکاں تے شراکت داراں دے نال رَل تے امن کیتے کم جاری رکھݨ دا عزم

اسلام آباد۔ 9 اپریل (اے پی پی) وزیراعظم محمد شہباز شریف فرانس سودھے دوست ملکاں تے شراکت داراں دے نال رل تے امن کیتے کم جاری رکھݨ دا عزم کریندیں ہوئیں فرانس دے صدر ولوں نیک تمناواں دے اظہار تے انھاں دا شکریہ ادا کیتے۔ خمیس کوں وزیراعظم محمد شہباز شریف ’’ایکس‘‘ تے اپݨے سنیھے اچ ݙسایا جو انھاں کوں صدر ایمانوئل میکرون ولوں ہک نہایت خوشگوار تے بامعنی ٹیلیفون کال موصول تھئی، صدر میکرون ایران تے امریکہ وچال جنگ بندی کراوݨ اچ پاکستان دی مخلصانہ کوشِشاں تے ݙوہیں فریقاں کوں مذاکرات دی میز تے گھن آوݨ اچ پاکستان دے کردار تے نہایت خلوص نال مبارکباد ݙتی اے۔ وزیراعظم آکھیا جو او انھاں دے محبت بھرے الفاظ تے اسلام آباد اچ تھیوݨ آلے آوݨ آلے امن مذاکرات دی کامیابی کیتے انھاں دی نیک تمناواں کوں ولوں توں سراہندن۔ وزیراعظم آکھیا جو پاکستان آپݨے شراکت داراں تے دوست ملکاں بشمول فرانس دے نال رل تے کم جاری رکھیسی تاں جو ایں موقع کوں ہک پائیدار تے دیرپا امن اچ تبدیل کیتا ونڃ سڳے ۔ وزیراعظم آکھیا جو فرانس دے صدر لبنان اچ جاری جارحیت تے وی شدید تشویش دا اظہار کیتا اتے ایں ڳالھ تے زور ݙتا جو تشدد تے بے گناہ جاناں دے ضیاع کوں فوری طور تے روکیا ونڃے۔