اسلام آباد۔ 9 اپریل (اے پی پی) بحرین دے فرمانروا شاہ حمد بن عیسیٰ آل خلیفہ ایران اتے امریکہ وچال جنگ بندی کراوݨ کیتے پاکستان دی کامیاب کوشِشاں تے وزیراعظم کوں خراجِ تحسین پیش کریندیں ہوئیں آکھیا جو ایں پیشرفت توں خطے اچ دیرپا امن دے امکانات روشن تھئی ڳئن۔ وزیراعظم آفس دے میڈیا ونگ توں جاری تھئیے بیان دے مطابق وزیراعظم محمد شہباز شریف اتے بحرین دے فرمانروا شاہ …
وزیراعظم شہباز شریف اتے بحرین دے فرمانروا شاہ حمد بن عیسیٰ آل خلیفہ وچال ٹیلیفون تے ڳالھ مہاڑ، جنگ بندی کیتے پاکستان دی کامیاب کوشِشاں تے وزیراعظم کوں خراجِ تحسین
اسلام آباد۔ 9 اپریل (اے پی پی) بحرین دے فرمانروا شاہ حمد بن عیسیٰ آل خلیفہ ایران اتے امریکہ وچال جنگ بندی کراوݨ کیتے پاکستان دی کامیاب کوشِشاں تے وزیراعظم کوں خراجِ تحسین پیش کریندیں ہوئیں آکھیا جو ایں پیشرفت توں خطے اچ دیرپا امن دے امکانات روشن تھئی ڳئن۔ وزیراعظم آفس دے میڈیا ونگ توں جاری تھئیے بیان دے مطابق وزیراعظم محمد شہباز شریف اتے بحرین دے فرمانروا شاہ حمد بن عیسیٰ آل خلیفہ وچال خمیس کوں ٹیلیفون تے ڳالھ مہاڑ تھئی۔ شاہ حمد بن عیسیٰ آل خلیفہ ایران تے امریکہ وچال جنگ بندی کراوݨ اچ پاکستان دی کامیاب کوشِشاں تے وزیراعظم کوں خراجِ تحسین پیش کیتا اتے آکھیا جو ایں پیشرفت نال خطے اچ دیرپا امن دے امکانات روشن تھئی ڳئن۔ وزیراعظم پاکستان دی امن کوشِشاں دی حمایت تے شاہِ بحرین دا شکریہ ادا کیتاا تے گزریل چھی ہفتیاں اچ حملیاں دے تناظر اچ بحرینی قیادت ولوں مثالی تحمل کوں سراہیا۔ انھاں اڄوکی کشیدگی اچ بحرین اچ قیمتی انسانی جاناں دے ضیان تے ٻہوں ݙکھ تے افسوس دا اظہار کیتا، متاثرہ خانداناں نال تعزیت کیتی اتے زخمیاں دی جلد صحت یابی کیتے دعا کیتی ۔ ݙوہیں رہنماواں خطے اچ امن تے استحکام دے فروغ کیتے سانجھی کوشِشاں جاری رکھݨ تے اتفاق کیتا۔
