اسلام آباد۔ 9 اپریل (اے پی پی) وزیراعظم محمد شہباز شریف آکھیا جو پاکستان خطے اچ امن، استحکام تے مذاکرات دے فروغ کیتے آپݨی کوشِشاں جاری رکھیسی ۔ اے ڳالھیں انھاں پاکستان پیپلز پارٹی دے چیئرمین بلاول بھٹو زرداری نال ڳالھ مہاڑ کریندیں ہوئیں کیتا جنہاں خمیس کوں وزیراعظم محمد شہباز شریف کوں ٹیلیفون کر تے ایران تے امریکہ دے درمیان کشیدگی دے خاتمے تے جنگ بندی دے قیام اچ …
پاکستان خطے اچ امن، استحکام تے مذاکرات دے فروغ کیتے آپݨی کوشِشاں جاری رکھیسی ، وزیراعظم شہباز شریف دی پاکستان پیپلز پارٹی دے چیئرمین بلاول بھٹو زرداری نال ٹیلیفونک ڳالھ مہاڑ
اسلام آباد۔ 9 اپریل (اے پی پی) وزیراعظم محمد شہباز شریف آکھیا جو پاکستان خطے اچ امن، استحکام تے مذاکرات دے فروغ کیتے آپݨی کوشِشاں جاری رکھیسی ۔ اے ڳالھیں انھاں پاکستان پیپلز پارٹی دے چیئرمین بلاول بھٹو زرداری نال ڳالھ مہاڑ کریندیں ہوئیں کیتا جنہاں خمیس کوں وزیراعظم محمد شہباز شریف کوں ٹیلیفون کر تے ایران تے امریکہ دے درمیان کشیدگی دے خاتمے تے جنگ بندی دے قیام اچ وزیراعظم دی فعال سفارتی کوششاں تے موثر کردار کوں سراہیا اتے خطے اچ امن دے فروغ کیتے پاکستان دی کوشِشاں دی تعریف کیتی۔ وزیراعظم آفس دے میڈیا ونگ توں جاری تھئیے بیان دے مطابق ݙوہیں رہنماواں ملک دی اڄوکی صورتحال تے تفصیلی ڳالھ مہاڑ کیتی۔ چیئرمین پاکستان پیپلز پارٹی ایں اہم مرحلے تے قومی اتحاد تے یگانگت دی لوڑھ تے زور ݙیندیں ہوئیں وزیراعظم تے حکومت دے نال مکمل یکجہتی دا اظہار کیتے۔ وزیراعظم محمد شہباز شریف بلاول بھٹو زرداری دے خیالات تے حمایت تے شکریہ ادا کریندیں ہوئیں ایں عزم دا اعادہ کیتا جو پاکستان خطے اچ امن، استحکام تے مذاکرات دے فروغ کیتے آپݨی کوشِشاں جاری رکھیسی ۔ ݙوہیں رہنماواں ایں ڳالھ تے اتفاق کیتا جو اڄوکی صورتحال اچ آپسی مشاورت تے قومی ہم آہنگی ضروری اے تاں جو درپیش چیلنجز دا موثر انداز اچ مقابلہ کیتا ونڃ سڳے۔
