اسلام آباد۔ 10 اپریل (اے پی پی):صدرِ مملکت آصف علی زرداری ویتنام دے صدر ٹو لام کوں انھاں دے انتخاب تے دلی مبارکباد ݙیندیں ہوئیں آکھیا جو قومی اسمبلی ولوں متفقہ انتخاب انھاں دی قیادت تے بھرپور اعتماد دا عکاس اے۔ جمعہ کوں ایوانِ صدر دے پریس ونگ دے مطابق آپݨے تہنیتی خط اچ صدرِ مملکت ایں یقین دا اظہار کیتا جو صدر ٹو لام دی قیادت اچ ویتنام ترقی …
صدرِ مملکت دی ویتنامی ہم منصب کوں مبارکباد، ݙوپاسہ تعاون کوں ٻیا فروغ ݙیوݨ دا عزم
اسلام آباد۔ 10 اپریل (اے پی پی):صدرِ مملکت آصف علی زرداری ویتنام دے صدر ٹو لام کوں انھاں دے انتخاب تے دلی مبارکباد ݙیندیں ہوئیں آکھیا جو قومی اسمبلی ولوں متفقہ انتخاب انھاں دی قیادت تے بھرپور اعتماد دا عکاس اے۔ جمعہ کوں ایوانِ صدر دے پریس ونگ دے مطابق آپݨے تہنیتی خط اچ صدرِ مملکت ایں یقین دا اظہار کیتا جو صدر ٹو لام دی قیادت اچ ویتنام ترقی تے خوشحالی دی نویں منزلاں طے کریندا رہسی۔ پاکستان تے ویتنام دے تعلقات دا ذکر کریندیں ہوئیں صدر آصف علی زرداری آکھیا جو ݙوہیں ملکاں وچال آپسی اعتماد تے خیر سگالی تے مبنی خوشگوار تے دوستانہ روابط قائم ہن۔ انھاں صدر ٹو لام دے نال رل تے ݙوپاسہ تعلقات کوں ٻیا مضبوط بݨاوݨ، امن، استحکام تے خوشحالی دے سانجھے مقاصد کوں اڳوں ودھاوݨ سودھے ݙوہیں ملکاں دی عوام دے آپسی مفاد کیتے تعاون کوں ٻیا ودھاوݨ دی خواہش دا اظہار کیتے۔
