اسلام آباد۔ 9 جون (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال آکھیے جو پاکستان تے چین دی دوستی دنیا اچ ہک منفرد مثال اے جئیں دی کوئی نظیر نہیں ملدی، جڈانجو چین پاکستان اقتصادی راہداری (سی پیک) پاکستان دی معاشی ترقی تے علاقائی روابط دا اہم ستون بݨ ڳئی اے۔ چینی سفارتخانے توں علاقائی صورتحال تے منعقدہ سیمینار توں خطاب کریندیں ہوئیں …
پاک چین دوستی دنیا اچ منفرد مثال اے، سی پیک پاکستان دی ترقی دا اہم ستون اے، وفاقی وزیر احسن اقبال
مزید خبراں
اسلام آباد۔ 9 جون (اے پی پی) وفاقی وزیر برائے منصوبہ بندی، ترقی تے خصوصی اقدامات پروفیسر احسن اقبال آکھیے جو پاکستان تے چین دی دوستی دنیا اچ ہک منفرد مثال اے جئیں دی کوئی نظیر نہیں ملدی، جڈانجو چین پاکستان اقتصادی راہداری (سی پیک) پاکستان دی معاشی ترقی تے علاقائی روابط دا اہم ستون بݨ ڳئی اے۔ چینی سفارتخانے توں علاقائی صورتحال تے منعقدہ سیمینار توں خطاب کریندیں ہوئیں وفاقی وزیر آکھیے جو پاک چین تعلقات گزریل 75 سال توں مسلسل مضبوط تھیندے ویندن اتے ایں دوستی اچ کݙاہیں کمزوری یا زوال دا دور نئیں آیا۔ انھاں آکھیے جو پاک چین دوستی ہمالیہ توں بلند، سمندراں توں گہری تے ہر آزمائش تے پوری لہݨ آلی اے۔وفاقی وزیر آکھیے جو سی پیک ہݨ صرف ہک ترقیاتی منصوبہ نئی بلکہ ہک بین الاقوامی برانڈ دی حیثیت اختیار کر ڳئے، جئیں اچ دنیا بھر دیاں کمپنیاں سرمایہ کاری تے شراکت داری اچ دلچسپی رکھیندن۔ انھاں آکھیے جو علامہ محمد اقبال تقریباً نو دہائیاں پہلے چین دے عروج دی پیشنگوئی کیتی ہئی، جیڑھی اج حقیقت دا روپ دھار ڳئی اے۔
